سلام بقاف للعراف مطوي مثل طي البيـر

[سعود العصيمي]

محاورة قوية

بين
حبيب العازمي وعبدالله الميزاني

واعتقد معناها كان يدور حول تركي الفين.

حبيب العازمي =

سلام بقاف للعراف مطوي مثل طي البيـر=وطي البير يحفضها مايدفنها علـى ماهـا
أنا شاعر ولي وجهة نظر وحده فقط لاغير=أقول الشعر غبه من طفح عنهـا تعداهـا

عبدالله الميزاني =

هلا يامرحبا ترحيب يسبح في بحر ويطير=يحل من الدير اللـي حبيـب ماتحلاهـا
كلامك مايتعبنـي بسيـط ولايبـا تفكيـر=ابا اكتبلك حروف منقطه بسطور ومحاها

حبيب العازمي =

والا ياطير يالي مايشوفك غير جن مطير=متى تلقى الطيور اللي مخاليبك تعشاهـا
ياعبدالله هداك الله تراك بخير وانا بخير=لاكن الرجل يتعب في لزومه لين يلقاهـا

عبدالله الميزاني =

أقول انك واشك انك تبيع الاجر بالتأجير=وهاذي عدها يالعازمـي وانـا اتعداهـا
أبو سبعة كفر يمشي ولاهو مثل ابوجنزير=ابوجنزير يسرف فالجبال اليـا تولاهـا

حبيب العازمي =

انا مانيب مثل اللي يقولون الذهب قصدير=وخو مره على الجره لاكحلها ولا عماهـا
لون الذيب يمشي لين يصدم في جبال النير=مصيبة قـوم صالـح ناقـة الله وسقياهـا

عبدالله الميزاني =

أنا ماقول فيك اطقوق لاقاصـر ولاتقصيـر=ليا ضيعتلك حاجـه بعـد شهريـن تلقاهـا
من اللي يحسبن الخمروالميسر لحم خنزيـر=والارض وماطحاها من ضحاها الليل يغشاها

حبيب العازمي =

ليا طاب المريض من المرض وش حاجة التقرير=نهايـة علتـه يومـن ربـي يـسـر ادواهــا
عطاك الله من هموم الليال السـود حمـل بعيـر=وحدتك الجمال اللـي هديـرك ضـاع فرغاهـا

عبدالله الميزاني =

سمعت انك عميل(ن)تدعم الارهاب والتفجير=من اللي كنت تنفض راسها وتحك علباهـا

حبيب العازمي =

كمنك قد قضيت اسبوع في كابل وفي كشمير=وحالق لحيتـك وتعيـر العربـان بلحاهـا
ولا يالزير سالم ليت مثلك لونـص الزيـر=علشان العرب تعرف عصاها اللي تعصاها

عبدالله الميزاني =

ولا يالعازمي مسرع ومتهور بـدون انبيـر=ولا يازينها لـو القـدور البيـض بغطاهـا
أكل مفرودها سبع الخلا وازرت ترام الضير=ولاندري من اللي عندها ويـروح ماجاهـا

حبيب العازمي =

أناخابرك ماتسرع ولاكنك عكست السير=وجتك النجده اللي يقبس ادناهامع اقصاها
عساها ماترام الا بعد يحصلهـا تدبيـر=وعبدالله يرعاها مايدري كيف يرعاهـا

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[رائد الكيرعاني القحطاني]

لاهنت يا سعود على المحاوره المميزه


كما هي داااائما بين حبيب وعبدالله



سمعت انك عميل(ن)تدعم الارهاب والتفجير
من اللي كنت تنفض راسها وتحك علباهـا


تحياتي

[اسير الغربة]

يسال الكثير لماذا محاورات خلف بن هذال مع الزلامي قليلة واتمنى من عنده محاورات للشاعرين الكبيرين يزودنا بها

[ܓܨ عبدالله البرقاويܓܨ]

حبيب

سلام بقاف للعراف مطوي مثل طي البيـر=وطي البير يحفضها مايدفنها علـى ماهـا

عبدالله


هلا يامرحبا ترحيب يسبح في بحر ويطير=يحل من الدير اللـي حبيـب ماتحلاهـا

ههههههه
هذا مقلب ومثل ماقال حبيب في احد اللقاءات يقول انا متعمد اني احط المقلب لعبدالله
وعبدالله عرف انه مقلب ورد عليه برد راائع
وشعراء رائعين
واذا اجتمعو اجتمع الابداع معهم
الف شكر مشرفنا سعود العصيمي

[محمد الشامان الحشيبري]

شكررررررررررا على المحاوره الجميله بين خصمين لهم مكانتهم على الواقع واعتقد أن المعنى ماهو تركي لانه كان موجود في الحفله وشكررر ياسعود العصيمي

[محمد العبيدي]

أشكركـ ياأخي على نقل المحاااوره وصدقت يالبرقااوي البيت الأول

فيه مطب وغاامض وكانت الحفله في الحفر وعند مطراان فيماا يظهر لي

وكاان بحضور شعرااء مطير الكبااار وكان منهم خليف الله يرحمه لكن مالهاا

إلا جماالهاا عبدالله الميزااني شاعر معنى من الدرجه الأولى وانتبه لهااا

وهو الي قااام ورد على طوول وكان رده في محله ولامهونـه لحبيب

فحبيب شااعر ذكي وشاعر يركب البيت بالتركيبه الي يريدهااا


تقديري للجميــــــــــع .. ..

[بيكهام]

محااااااوره ممتازه و شعراء ممتازين

[البرلمان]

--------------------------------------------------------------------------------



سمعت انك عميل(ن)تدعم الارهاب والتفجير
من اللي كنت تنفض راسها وتحك علباهـا








الله الله عليك يابوغازي شاعر صراحة لايوجد له مثيل فالوقت القديم ولا الوقت الحديث وفي هذا البيت مطب عجيب في تركيبتة عندما قال من اللي كنت تنفض راسها وتحك علباها كان فالشطر الاول يقول الارهاب والتفجير والشطر الثاني يرمز الى القنبلة اليدوية اللي تنفض راسها وتحك علباها وهنا معنى اخر فالشطر الثاني وهو يقصد( قارورة الخمر) (اللي تنفض راسه وتحك علباها) كما فسرها كبار النقاد فالشطر الثاني يمشي على معنيين فالله درك يابو غازي

[فهد علي العازمي]

المشاركة الأصلية كتبت بواسطة البرلمان

--------------------------------------------------------------------------------



سمعت انك عميل(ن)تدعم الارهاب والتفجير
من اللي كنت تنفض راسها وتحك علباهـا








وهنا معنى اخر فالشطر الثاني وهو يقصد( قارورة الخمر) (اللي تنفض راسه وتحك علباها) كما فسرها كبار النقاد فالشطر الثاني يمشي على معنيين فالله درك يابو غازي

ممكن توضح لنا منهم كبار النقاد اللي فسروها كذا؟؟
نبي نستفيد منهم ونرجع لهم عند إلتباس المعنى !!!!


والمحاورة كايفة وكعادة شعراءنا الكبار

[الواصلي العبدلي]

ابو سبعة كفر يمشي ولاهو مثل ابوجنزير ابو جنزير يسرف فالجبال اليا تولاها ابداع وشعراء عما لقه وابو فيصل بدايته فتحت بحور الشعر على مسرعيه وبيت الميزاني هذا عجيب

آخر تعديل الواصلي العبدلي يوم 04-Aug-2010 في 03:51 AM.