قصيدة سعود الحافي العتيبي :::: ياجار

[الصويت الثبيتي العتيبي]

ياجار لا تبحث خفى الجار لو جار
ياجار لا تبحث خفى الجار لو جار
معك أحكمت سود الليالي وثاقي
عزفت موال السوالف على أوتار
مشاعري لكن إليا صرت هاقي
أنا بدوي يسوقني دمي الحار
ويمكن على خدك يحول طراقي
سكنت لك في منتج فايف ستار
وأنا بخيمة نجد بيتي رواقي
وإن (تسـ)ـان غرك ضوح شاليه الإيجار
شاليهي الخلاب نخلة وساقي
وإن (تسـ)ـان كيفك خمر من كف خمار
كيفي على الدلة وطاسة نياقي
جب جايزة نوبل وجايزة الأوسكار
وعود على جعبتك ويش أنت لاقي ؟
حنا حصدنا جايزة طب واختار
فـ الطيب والنخوة وطيب الطراقي
منديل حرمة حطم أرقام الأسعار
وأرخص ثمن فـ الكون جثة عراقي
هذا وصل خمسة ملايين دولار
وهذي بطلقة نار والجو راقي
وترمى وتنهش لحمها كلاب الأهوار
ومنديل كوكب شرقنا وسط واقي