،،،الله أكبر حبيبي ،،،

[المعتصم بالله]

الله أكبر حبيبي غيروه الوشاه=صدّق أهل الوشايه فيّ والحاسدين
مايرد السلام..ان قلت له وش بلاه؟=صد عني ثم أقفى والزعل به يبين
حار فكري وقلت الله ماكبر خطاه!!=دون ذنبٍ جنيته ليه ظنه يشين؟
أرسل الخط يمه..يحرقه ما قراه=حسبي الله عليه شلون بي يستهين
ليته أمعن وفكر قبل ينوي جفاه=وليته اللي نشدني وأخبره باليقين
المصيبه حبيبي عارفٍ في غلاه=الله انه يلومه فرّح الشامتين
كيف ينسى هوايه كيف ينسى هواه=كيف ينسى العهد هو والوفا واليمين
كيف يا صاحبي صاحبك هذا جزاه=حافظٍ كل الاسرار بقرارٍ مكين
مخلصٍ للمحبه ما بخل في عطاه=موفيٍ في عهوده لو تطول السنين
يالله أطلبك ياربي حبيبي تهداه=ويا عسى قلبه القاسي يحن ويلين

آخر تعديل المعتصم بالله يوم 26-Jul-2008 في 03:53 PM.

[عبدالله الجـــذع]

المعتصم بالله
غاب ليحضر لنا هذه الدره الرائعه

صح لسانك مدد ياشاعرنا المخضرم
والف شكر لك على هذه الغنيمه

انا من متابعينك

ننتظر جديدك

محبك
,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[المعتصم بالله]

عبدالله الجذع

تسلم طال عمرك ومرورك دائم يزيد أخوك شرف

احترامي وتقديري يا الغالي

[/عبد العزيز الجذع/]

الله عليك يالمعتصم.

صح لسانك ملايين على هذي الرائعة.

نترقب جديدكـ.

[ابو فايح]

مبدع ورائع جدا صح لسانك وعسا الله يهدي حبيبك قل امين

[الحنتوشي ساجر]

صح السانك
على هالجزله الي ماتجي الا من جزل

[أبو نجر النفيعي]

..

الله الله

صح لسانك يالمعتصم بالله ..

وفي انتظار جديدك ..



أخوك

التوقيع

.....