مشاركتي في حفلمركز حي كلاخ والاحيا المجوره له

[ابن سلوم الهيلوم]

يالله ياعلام غيب المواعيد
00000وساعة مجي عبدك وساعة رحيله

تجعل لنا من صدق الاقوال تسديد
00000في ماقف جزل العطا يستوي له

سلام ياهل العيد في محفل العيد
00000من كل حي وكل بيت وقبيله

يبدا من اكبر شيخ لين اصغر وليد
00000باجمل عطور الشعر واحدث مديله

من هاجس يختار من شرد الصيد
00000النادره ومن الخيول الاصيله

ويطمح لنيل اعجاب كل الاجاويد
00000اللي رضاهم مطلبي وتعبي له

لومالمجال محدد فيه تحديد
00000ليخصهم جزل القصيد ونبيله

لكن علينا كلنا الواجب يزيد
00000للدار وسيوف البلاد الصقيله

للمملكه واللي على المملكه سيد
00000يالله عسى باقي سنينه طويله

حاكم سكن حبه قلوب المواليد
00000وجيل الشباب وجيل مثلي وجيله

يمكن من المولى شهاده وتاكيد
00000انه من اصحاب الذمم والفضيله

ويحكم بلد مهبط رساله وتوحيد
00000باعدل نظام وشرع ربي دليله

محمي بعون الله من الغدر والكيد
00000يبقى نهر جاري وشجره ضليله

ولا فيه خاف عبيد من بطش ابو زيد
00000يامن على نفسه وما في صميله

حبه غذا الاطفال من رضعة الديد
00000واسمه يشرف كل من ينتمي له

نفجر نحر ونفجر الغام ونبيد
00000من هم فيه بغير خير ونزيله

وكلاخ عز ومفخرة كل صنديد
00000احيوا ترابه واحتضنهم نثيله

يوم التوتر في تزايد وتصعيد
00000هيبة حصون كلاخ تحمي نخيله

والمذهب اللي زود الوجه تمديد
00000لكلاخ فيه ادوار ماهي قليله

واليوم يلعب مركزه دور ويعيد
00000في كل عام لملتقى العيد ليله

مجهودهم ملموس ومهم ومفيد
00000ونطمح بعد للمنجزات الجليله

نثني على مجهود الاخوان وانشيد
00000بانجازهم في كل عام ونجيله

ويالله ياللي ما ورا جهدك جهيد
00000ناصر هل السنه على اهل الرذيله

اخواننا مبتور الاطراف وشهيد
00000في الشام لكن مال الاخوان حيله

الا دعا من له فعل كل مايريد
00000يجعل سحاب النصر يمطر مخيله

لين النصيري يدخل السجن بالقيد
00000صاغر ويشفي كل مسلم غليله

قلته ونا من لابتة حيد وتحيد
00000عن دربها حتى الجموع المهيله

عتيبه الهيلا سلوم وتقاليد
00000ونخوه تخف ابها احمول الثقيله

العزوه اللي شوحها ذرب وبعيد
00000ريف الضيوف وهيف من تلتوي له

وباغلا مذاهب من وطى شاسع البيد
00000يحمي سنه وجه العتيبي دخيله

اقولها في ملتقى العيد واعيد
00000فخري بديني والوطن والقبيله


00000وسلامتكم00000

آخر تعديل ابن سلوم الهيلوم يوم 31-Aug-2012 في 10:21 AM.

[راشد النفيعي]

ماشاء الله عليك شاعر مافيك حيله ويستاهل الممدوح المدح والثنا

من شاعر جزل مثلك

اسمحلي اعجبت بالقصيده واعدت تنسيقها

يالله ياعلام غيب المواعيد =وساعة مجي عبدك وساعة رحيله
تجعل لنا من صدق الاقوال تسديد=في ماقف جزل العطا يستوي له
سلام ياهل العيد في محفل العيد=من كل حي وكل بيت وقبيله
يبدا من اكبر شيخ لين اصغر وليد=باجمل عطور الشعر واحدث مديله
من هاجس يختار من شرد الصيد=النادره ومن الخيول الاصيله
ويطمح لنيل اعجاب كل الاجاويد=اللي رضاهم مطلبي وتعبي له
لومالمجال محدد فيه تحديد=ليخصهم جزل القصيد ونبيله
لكن علينا كلنا الواجب يزيد=الدار وسيوف البلاد الصقيله
للمملكه واللي على المملكه سيد=يالله عسى باقي سنينه طويله
حاكم سكن حبه قلوب المواليد=وجيل الشباب وجيل مثلي وجيله
يمكن من المولى شهاده وتاكيد =انه من اصحاب الذمم والفضيله
ويحكم بلد مهبط رساله وتوحيد=باعدل نظام وشرع ربي دليله
محمي بعون الله من الغدر والكيد=يبقى نهر جاري وشجره ضليله
ولا فيه خاف عبيد من بطش ابو زيد=يامن على نفسه وما في صميله
حبه غذا الاطفال من رضعة الديد=واسمه يشرف كل من ينتمي له
نفجر نحر ونفجر الغام ونبيد=من هم فيه بغير خير ونزيله
وكلاخ عز ومفخرة كل صنديد=احيوا ترابه واحتضنهم نثيله
يوم التوتر في تزايد وتصعيد=هيبة حصون كلاخ تحمي نخيله
والمذهب اللي زود الوجه تمديد=لكلاخ فيه ادوار ماهي قليله
واليوم يلعب مركزه دور ويعيد=في كل عام لملتقى العيد ليله
مجهودهم ملموس ومهم ومفيد=ونطمح بعد للمنجزات الجليله
نثني على مجهود الاخوان وانشيد=بانجازهم في كل عام ونجيله
ويالله ياللي ما ورا جهدك جهيد=ناصر هل السنه على اهل الرذيله
اخواننا مبتور الاطراف وشهيد=في الشام لكن مال الاخوان حيله
الا دعا من له فعل كل مايريد=يجعل سحاب النصر يمطر مخيله
لين النصيري يدخل السجن بالقيد=صاغر ويشفي كل مسلم غليله
قلته ونا من لابتة حيد وتحيد=عن دربها حتى الجموع المهيله
عتيبه الهيلا سلوم وتقاليد=ونخوه تخف ابها احمول الثقيله
العزوه اللي شوحها ذرب وبعيد=ريف الضيوف وهيف من تلتوي له
وباغلا مذاهب من وطى شاسع البيد=يحمي سنه وجه العتيبي دخيله
اقولها في ملتقى العيد واعيد=فخري بديني والوطن والقبيله

00000وسلامتكم00000

[ابن سلوم الهيلوم]

حياك الله اخوي راشد وشكرا جزيلا

لمرورك واعجابك وكذلك تنسيقك

تحياتي لك

[شاعر الدرع العربي]

صح لسانك الهيلوم
تحيتي لك بعد طول غياب شعر لايصخره الشاعر مثل ذلك احسن يقرا
مايكتب وانا من القراء في وجودك للامانه قصيد
اجدت في مديلاتها وقتنصت شوارد الافكار والجزاله
جمت بها بين الحاضر والماضي الوطن والقبيله
الدين والسياسه لافظ فوووووك
لم استطع التعبير
لكن دمت في تقدم
ولك كل احترام وتقدير انت استاذ شعر معاصر

[ابن سلوم الهيلوم]

صح بدنك اخوي شاعر الدرع شرفتني بمرورك

واسعدتني بقرااتك واستحسانك للقصيده
وبما كتبت شكرا جزيلا لك

[راعي القوافي]

صح لسانك واعتلا شانك يابن سلوم مليون وعليه زود بعد