رائعة التوجد....للشاعر ناصر الفراعنة السبيعي

[الوافــــــي]

من أجمل ماقيل في التوجد ....قصيدة إعتبرها المحايدون من أجمل القصائد النبطية المعاصرة......





[poet font="Simplified Arabic,4,white,normal,normal" bkcolor="transparent" bkimage="backgrounds/15.gif" border="outset,4,red" type=0 line=200% align=center use=ex length=0 char="" num="0,black" filter=" glow(color=blue,strength=2)"]
كل ما فاضت عيوني نجـر ابـن حربـان iiدنّـا = في ضلوعي يسمع اللي مـن ورا بغـداد iiدنّـه
يوم ابن مدعث لنا سـن الوجـود الحـق iiسنّـا = وا فوادي كن دود الارض يرعـى فـي iiمسنّـه
وا فوادي لو تضنّـى يابـن مدعـث iiماتضنّـى = كنّّـه المجـدور عقـب الجـور مرمـيٍٍّ iiبعنّـه
اشعـل التنبـاك مـن خلقتـه مـا شبّـه iiوكنّـا = مير كنّّه من عجـاج فـاح مـن صـدره iiيكنّّـه
وا وجودي وجد منهـو عـض بابهامـه iiوحنّّـا = واحدٍٍ شـاف الثـلاث البيـض سـودٍ iiمستجنّـه
شـاف قـدّام الخيـام خشيـف ريـمٍ مرجهنّـا = وثوّر البندق يبي صيـده وراغ الخشـف iiعنّـه
اطلق اربع عقبها اربع ثـم سمـع صـوةٍ iiيونـا = واثرها امه صابها طلقـه و طـار العقـل iiمنّـه
واتهمـوه بذبحـة امـه ليلـة العيـد iiوتجـنّـا = اتهمتـه النـاس و صـدوف المقاديـر iiاتهمنّـه
قالوا اخوانه تـرا منّـا بمنـك ولا انـت iiمنّـا = يفرق الله بيننـا و بينـك عسـى مالـك مظنّـه
لك ثلاث ايام من ذلحين و ارحـل مـن iiوطنّـا = عقبها تخطر علـى راسـك مضاريـب الاسنّـه
ودّع مريتـه وتـو بنتـه صغيـره مـا iiتحـنّـا = توها ام اربع شهـور و فـي لحمهـا iiزودلنّـه
ركب غوجـه و انقلـب قبلـه بليـلٍ مـا تونّـا = والحمايا مـن خلافـه ارخـوا حبـال الاعنّـه
المطايـا و السبايـا مــن خـلافـه iiعمـدنّـا = والمنايـا سـجـدٍ قــدام عيـنـه iiيحتـرنّـه
كل ما عنّـز علـى قـومٍ وطـن الـراس طنّـا = قالوا اذلف ذابح امـه لعـن ابونـا لـو iiنحنّـه
ذابـح امـه لـو زبنّـا عـدّه انّـه مـا iiزبنّـا = لعـن ابـوك بيـوت قـومٍ ذابـح امـه iiزبننّـه
الجمالـه مـا تجمـل فـي ولـد حـرٍ iiتـدنّـا = ميـر دوّرغيرنـا وانحـش بقلـبـك لا iiنـدنّـه
وانقلب من عندهـم كنّـه علـى محمـاس بنّـا = يمة اهل الغـوص عجـلات الركايـب iiوجهنّـه
ركب بابـور البحـر و دمـوع عينـه يذرفنّـا = فـوق خـدّه كنّـهـن اذواد بــدوٍ iiمرثعـنّـه
يـوم حـل الليـل اشرعـة السفينـه iiدودلـنّـا = و الهبايـب مـا يخلـن محبـلٍ مـا دودلـنّـه
قـام ربّـان السفينـه قـال يـا نـاس iiامتحنّـا = قوموا ادعوا ربكـم عـلاّم مـا وسـط iiالاجنّـه
قـال شيـخٍ منهـم الا عنـدي الـراي iiالمطنّـا = ضحّوا بواحـد عسـى الله ينقـذ ايديـنٍ رجنّـه
و طاحت القرعه على اللي ذابح امّـه مـا iiتتنّـا = ثم رموا بـه فـي ظلمـات البحـور iiالمستكنّـه
و ادبحوا عنّه وهـو فـي غبّـة المـوج iiيتثنّـا = ثم عرض له من وحوش القرش جرجورٍ و صنّه
عض جرجور البحر ساقه و صايـح و iiاستجنّـا = ابك لولا الله كـلاه القـرش مـا يسلـم iiمطنّـه
وفي ديارٍ من بـلاد الهنـد بيـن انـسٍ و iiجنّـا = من فضل ربي عليه اطراف الامـواج iiاحذفنّـه
ومثل ما قبل امـس متهـومٍ بذبـح امـه معنّـا = اتهمـوه بذبـح سلطـان الـبـلاد iiالمطمئـنّـه
و في السجون المظلمه خمسة عشر عامٍ iiقضنّـا = مع ثلاث مـا قضـنّ الا عقـب حالـه iiقضنّـه
لا سمع ورقـا تغنّـي جـر مسحوبـه و iiغنّـا = وكل مغنى يزعجه غصـبٍ يجـي تاليـه iiونّـه
ولا طرته بيـوت قـومٍ فـي الخلايـا iiيرفعنّـا = دار دولاب الدبـا الدالـوب دولابـه و زنّــه
وكل ما برقٍ سرى شرقٍ صـدوق الغيـث شنّـا = كـن قلبـه فـوق سبـق طيـور بـرٍ iiشطرنّـه
عقـب مـدّه جـاه مــن داره iiiiنذيرٍمرثعـنّـا = قـال انـا جيتـك بعلـمٍ والله انّـه والله انّــه
حرمتك ماتت لهـا عشـر سنـواتٍ قـد iiمظنّـا = و البنيّـه معمـسٍ تقـرع عليـك قـراع iiشنّـه
عمّها عـزّر بهـا فـي وسـط بيتـه مـا تهنّـا = خادمـة نسوانـه الثنتيـن و الـلـي iiضيفـنّـه
ثـم زوّجهـا لبـو سبعيـن عـامٍ مـا iiانقصنّـا = شايبٍ يطرب خفوقـه لا سمـع للقـرش iiرنّـه
يوم سمع هروجهم فاضـت عيونـه و iiازحرنّـا = وسط سجنه كنّّه اللي ساكـنٍ لـه فـي iiمجنّـه
قال يا ربعي افزعوا لي مـن سجـونٍ غيضنّـا = و قبر قلبـي الدمـدم آغـادي يديكـم iiيظهرنّـه
قالوا انّـا وش لنـا انّـا والله انـه مـا شحنّـا = غير بنتك ولا مثلـك مـا قربـه بقـرب iiجنّـه
وانتحـوا وعيـون قايدهـم جـنـوبٍ iiخايلـنّـا = وهـو ورا سجنـه عيونـه كـل نجـمٍ iiخايلنّـه
وعقب عامٍ من مجي ربعه و سـنٍ عـض iiسنّـا = اعفوا الكفّـار عنّـه مـن عقـب سـودٍ iiدهنّـه
يوم فكوا قيـد رجلـه وانطلـق خاطـره iiمنّـا = و انفلت يبغـى ديـارٍ مـن ورا نجـد iiاشحننّـه
حث ساقـه مـا يشـوف الا بنيتـه يـوم iiقنّـا = من عقب عشرين عامٍ في وطـن قـومٍ iiمصنّـه
ومن ردى حظه نهار اغضن عيونـه و iiارقدنّـا = فز من نومه عقـب عضّـه حنـش دابٍ iiبسنّـه
ومن اثر سم الحنش يونـس ضلوعـه iiيطبخنّـا= و طاح عزّي لواحـدٍ سـود الافاعـي طيحنّـه
يـوم اهـو فكّـر ولا فوقـه نجـومٍ iiيبرقـنّـا = وشـاف بكيـة بنتـه اللـي جـا يبيهـا iiبينهنّـه
قال يا نجوم السما تكفين روحي صـوب iiاهلنـا = علمي بنتي عن اللي صـاب ابوهـا iiواستسنّـه
اشهد انّا مـا بحلنـا فـي الليالـي اشهـد iiانّـا = مير حظي خانّي ثم مـات مـا بـه مـن يقنّـه
ذاك وجده وجد حالي فـي وطنّـا مـن iiعطنّـا = من هنـوفٍ خدرهـا بيـض الهنـادي iiيحتمنّـه




[/poet]


وســــــــــــــــــــــــــــــــــلامتكم........ .

الوافـــــــــــي

[نهيان الحمادي]

لاهنت على هذا الاختيار
وصح لسان شاعر القصيدة
وله قصيدة جزلة و افية في مزايين الابل كانه عندك عطناة لا هنت

[الوافــــــي]

اشكرك يأسحاب نجد على المرور واتمنى لو وجدت أحدا يمدني

بقصيدة الأبل ولكن لم أجد من يملكها ( بحذافيرها) فعذراُ

وشكري اعلم بأنه متأخرررررررررررررر جداً ولكن السموحه....


وعلى فكره كأن با القصيده لم تعجب شباب الهـــــــــــــــــــيلا وهم ذواقو الشعر

اذ انهم أحفاد ملوك الشعر والدليل ردودهم ؟؟؟؟؟؟؟؟؟؟؟؟؟

[ابو ماجدالمرشدي]

اخوي الوافي مشكور مشكور


و بيض الله وجهك على ها الاختيار


وصح لسان قايلها

[مدركة]

اخوي الوافي مشكور مشكور


و بيض الله وجهك على ها الاختيار

[سلطان الفهد]

الله يبيض وجهك وجزاك الله كل خير ومشكور ما قصرت

[الخنفري]

الاخ الوافي لاهنت على نقلك لهذه القصيدة

ولكن لماذا لم تذكر توجد خالدبن مدعث الدوسري لان الفراعنه راد التوجد على توجد بن مدعث


وان كانت موجوده عندك اذكرها والله لا يهينك

وسلامتك

[ياسر المرشدي]

فعلا قصيده رائعه لشاعر رائع وبيض الله وجهك على نقلها