صوت / محمد العريدي .. صدى / ناشر العاطفي

[محمد الـعـريدي]

قصيدة محمد العريدي

يالعاطفي..للشعر مُوقف وميعاد= خلك معي والكل يحسب حسابه
وأنته من أهل الشعر يانسل الأجواد= لك ماقف ٍ.. يالقرم كل ٍ درابه
رجل ولك بالطيب .. مصدر وميراد =ذيب ٍ ولد ذيب ..ٍ سلايل ذيابه
ياناشر إسمعني .. لك العلم ينقاد= فتحت قلبي .. والصدر فك بابه
لي صاحب ٍ ماعنّه اليوم نشّاد= أقفت مراسيله.. وطوّل غيابه
صبرت مير الصبر ياخوك مافاد =ماعاد لي بالصبر حيل وصلابه
في غيبته شفت العزاير والأنكاد= وهليت دمعي مثل وبل السحابه
وعفتْ المنام وعفت للشرب والزاد= والحال مايرضي جموع القرابه
المشكلة .. ماني على الصد معتاد= مير البلا .. قفّى وقفت ركابه
وش حيلة اللي شوقه اليوم مزتاد= أقفى وليفه .. وأبتعد مادرابه

قصيدة ناشر العاطفي ..

يامرحبا ياشبل يانسل الاسياد= شبل(ن)سقوه الطيب باول شبابه
يستاهل الترحيب موروث الاجداد= الشاعر اللي جاد فن الخطابه
وانا وريث اجداد من ضمن الاحفاد= اهل الوفى والطيب واهل المهابه
شاعر ورثت الشعر من لهجة الضاد= يطربني المسحوب على الربابه
قلبي ضحية حب والحب لاعاد= صار اكثر الصدقان يشكي صوابه
اخرهم محمد حصل عكس ماراد= اقفى وليفه قبل يسمع جوابه
ترى الهوى ياخوك من عصر الامجاد =كل(ن) على ماقيل مثلك شقابه
اضرب مثل في قيس والا إبن شداد= عملة لها وجهين دايم تشابه
ان كان صده منك هجران وعناد= قله مراح امقيط واللي غزابه
وان كان دونه حال واشي وحساد= قله عسى المعبود يسقي ترابه
واصبر عسى الايام تلفي بالاعياد= يصير ابوها عم واهله نسابه
ادري واعرف ان الصبر علة أكباد= لاطول الغيبات حضرت جنابه
هذى صدى صوتي على بحر الاسناد= والشعر فيه إياب يشبه ذهابه

[خلف العتيبي]

لاهنت يا محمد العريدي..

قصيده جميله بارك الله فيك..


خلف الدعجاني..

[شاعر القوابعه]

مشكور على القصيده

[شاعر برقا]

مشكوووووور والله يعطيف الف عافيه

[خيال الجريبا]

الله يعطيك العافيه

[عبدالله العريدي]

يا مال العافية يا محمد على الابيات الرائعة

صح السانك مليار

تقبل تحياتي

[محب الهيلا]

مشكور وماقصرت على هذه القصيدة