اقرب شاعر

[الاد الكريزي]

سلام مني عد وبل المخيلة=وعداد برقن لاح في غر الامزان
اللي يبا الملعب يجيني واجيله= ويبشر بقافن مايجي فيه نقصان

[رفيع المنزل]

يامرحبا من شاعر ٍ بالطويله =ترحيبة ٍ للي على اللعب شفقان
اللي يحسب الدايره مستطيله= اقول له ياهيه مخطي وعميان

[نايف بن ملحق الثعلي]

رفيع المنزل

اسف

الافضليه لك

التوقيع

ما هوب لازم توقيع00

[الاد الكريزي]

بانشدك ياللي ماتبالك دليله=ياللي تجيب البيت وافي ومليان
وين المهار المسرجات الاصيله=ووين الرماح وينه السيف شامان

[رفيع المنزل]

الكريزي مع من تحب تلعب

[الاد الكريزي]

اللي يبي يلعب حياه الله

[رفيع المنزل]

انا ابا العب

اقفى الزمان اللي يدينه بخيله= والوضع من فضل الولي بامن وايمان
نشدتك هذي ماوراها حصيله = نبي نرد اللي من الكفر عدوان

[الاد الكريزي]

اقولها ولاهوب قول تعلّيله=ولانيب اغني بالطرب دان لادان
العز ياتي بالسيوف الصقيله=اقولها ولانيب ياهيه غلطان

[رفيع المنزل]

ماقلت مخطي بس كل ٍ بجيله = والوقت كن مازان لك ياولد شان
ان كان لك نيه بركب الكحيله= جاهد عدو الدين من قلب ولسان

[الاد الكريزي]

اقول يابن الناس مافيك حيله=شاعر وانااشهدلك ومبدع وفنان
لكن عليك ابعد من ضفاف نيله=مقاصدن عبرتها لك بقيفان