مصافحه اولى

[سلطان بن دحيم]

السلام عليكم ورحمة الله وبركاته

احب اهدي لكم هذه الابيات لعلها تنال اعجابكم واتشرف بالملاحظات والتوجيه ومنكم نستفيد

الصاحب الطيب أليا صد اناديه =بالصوت كله لين يسمع مناداي
وان كان جاوبني عسى الله يحييه=اقوم له حشمه واحط اله مركاي
وان كانه اوحى الصوت ما قال لبيه = كنه يقول انه يبى اليوم فرقاي
اقفي مثل ما اقفى ولاني براجيه =من باعني وشلون اصير اله شراي
خله على كيفه وعقله يقديه = يبى يحصل من يوافق له الراي
وحقه عليه كل ما حل طاريه = ذكره بخير ولا افرح اعداه واعداي
لو كان يبقى الجرح ما احد(ن) يداويه = اصبر ولا اشكي غير لله مولاي
ولا خاب من يرفع يدينه لواليه = وانا لغير الله ما ابديت شكواي
وختامها درس(ن) زماني عطانيه=منه استفيد ان عشت في وقتي الجاي

[مرزوق حمدان العتيبي]

.
وحـقــه عـلـيـه كـــل مـــا حـــل طـاريــه
ذكــره بخـيـر ولا افــرح اعــداه واعــداي
لـو كـان يبقـى الجـرح مـا احـد(ن) يداويـه
اصـبــر ولا اشـكــي غــيــر لله مــــولاي
ولا خـــاب مـــن يـرفــع يـديـنـه لـوالـيــه
وانـــا لـغـيـر الله مـــا ابـديــت شـكــواي
وخـتـامـهـا درس(ن) زمــانــي عـطـانـيـه
منه استفيد ان عشت في وقتي الجاي

..
حكمه وجزاله ... يابن دحيم
صح الله لسانكــ

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[محمد العتيبي]

مصافحه أولى وافيه .. من رجل وافي ..

صح الله لسانك .. وصح فكرك.. وراسك

ياسلطان على الإبداع ..

أزكى تحيه
..

التوقيع

للتواصل عبر twitter تويتر al_bargawy@

[سلطان بن دحيم]

الاخ مرزوق بن حمدان العتيبي

شكرا على المرور الجميل وعساني اكون عند حسن الظن والله يجملني مع الجميع

تحياتي

[سلطان بن دحيم]

الاخ محمد العتيبي

شكرا على المرور والله يجعلنا من اهل الوفاء وصح بدنك


تحياتي وشكري واحترامــــــــي ** لمشرف منتدى الهيلا محمد
واثني الشكر للاعضاء الحشامي ** اهل نارن توقد ما ترمـــــــــد