أبيات قيلت في الفارس المغوار الأمير/ مقعد الدهينه (( أخو غزوا ))
الله يرحمه ويسكنه الجنه ااااامين انا اعلم ويعلم الجميع ان هذا
الفارس لم يتطرق له بالشكل الذي تستحقه شخصية مقعد الفذه
الذي كان يمثل شخصيه عظيمه في وقته انذاك ولحد الان
فمن منا لا يعرف مقعد ومن منا لا يعرف ابو غازي عموما
هذه ابيات احببت ان انقلها لكم قيلت في (( أبو غازي )) الله يرحمه
قال فيه شليويح المسعودي
يا راكب اللي كنهن الغرانيــــــــق= ركابها مع الخرايم كدرهــــــــــا
مسراحها من الحرم فكة الريــــق = والقابلة يم العويند قهرهـــــــــا
ملفاه أخو غزوى عمود المطاليق = كم سرب’ سيقت عليه ودمرها
مدري نواه الله بحكم المطاليــــق = والا نواه الله بحتة ثمرهــــــــــا
وقال عبد الرحمن المسعودي الملقب بهوشان
عينت أبو غازي وشرواه = عينت ابوغازي زبون الحصاني
وقال كديميس العصيمي
مقعد ليا اشتد البلا والملح ثار = شيخ لعدوانه يجر الجريره
تلقاه باخرها ليا حان الادبــــار= وتلقاه بأولها ليا جت مغيــره
وهذه قصيده قيلت في معركه قادها والد الشيخ مقعد الشيخ سعود بن نافل
بمشاركة الامير شبيب بن حجنه الله يرحمه ويسكنه الجنه :
يا ليت من يركب على وسق مضياح = عليه أوسع خاطـري ما عليه
اسرح صلاة الصبح والصبح ما نباح = ومسرحه من قاعـة المرقبيـه
والعصر عند مرويه علط الارماح=ألقى طوارفهـم حوالـي iiمليـه
ربع ليا جاهـم مـن النشـر صيـاح = تناوشوهـا بالحبـال القويـه
قبل أمس جروها ونادوا بالافلاح = يتلـون أبو قاعد زبـون الونيـه
غاروا على ابن قويد من دون مزاح = ما عرف دياره مار بالوصف ليه
وأخذوا قطيع به معاشير والقاح = ولحقـوا أهلها عـزوة صيرميـه
والكل منهم جامع قطعة رماح = ضار(ن) على فض الجموع الرويـه
ساعة تلاقوا بينهم واللحم طاح= أخذوا لنـا حامـي الجـواد الونيـه
وردوا عليهم ردة تبعـد الشـاح = ثـم انصـروه بحامـي الدوبليـه
شبيب زبن اللي تجاذب به الاح = وسعود زبن اللـي تكالـح شفيـه
وجازي مروي للقنا محمل الداح= ولا واجهت قحص المهار بحليـه
يركض ولو هو حسب الروح ما راح= يبشر اللي سلعته جت رديـه
ومترك مروي مرهف السيف ذباح =وخالد يروي الحربه السمهريـه
اهمه كما سيل على الحزم جراح= وحنا كما ضلع(ن) طوال(ن) بنيه
ويقول الشاعر المسعودي :
حنا هل الشرفاء كعام الخصومي =ليا جاء المفاهم من خشوم البواريد
ربع مواقفنا نهار الزحومي=تشدي لفارس عبس والا لبو زيد
من طاح قدم خشومنا مايقومي=بحدب السيوف اللي تقص الأواريد
زيزومنا حر عطيب السهومي=مقعد ليا عدت فعول الصناديد
يقود له نمراء عبوس عرومي=تشبع بجرتها قصار العجاريد
وقدامه ابوه سعود زبن القحومي=مطوي السقيان عوق الأضاديد
واللي ماسكها حفيد القرومي=سعود بن مقعد بعيد المقاصيد
دنيا ودين وحافظين السلومي=وعند النوايب يلتجابة كما الحيد
ذباح نايبة السنام الردومي=وكيف يعزل في دلال بغاديد
قال فيه الشاعر سعود الثبيتي :
السما هل البشاير من كفوفه وارعــــد=والأراضي طاب مرعاها وماها سالــي
في سنين المعركة جاب الصدور مورد=وارتوى سيفه من الهتان والهمالــــي
فارس المرقاب عز اللي نخاه وسنـــد=القصايد منه تنهل والهوى قتالــــــــي
له عيون تشتهر منها الحرار تنهـــــد=يعلم الله كنها سلسال في سلسالــــــي
حار بالفتنة وساق جموعها للفرقــــد=شهد الطايف ومكة والشهود عدالـي
ويوم سافر للكويت ومدها للمربـــــــد=درهم الايام تجمل واعتزى جمالـــــي
يرحم الله شيخنا راعي المعالي مقعـد=الشموخ اللي رحل عالي ويبقى عالي
برق يلوح ونتبعه بالنظر شـــــوق = جعله على الحفنة ويمطر على النير
أبيه يمكن فرعة الضلع برفــــــوق = ويسوق سيله للســــــفوح المحادير
ويمر قبر بأيمن القاع من فــــــوق = يسقي ثراه من المزون المزابيــــــر
ينبت على جاله من النبت رقــروق = يكس الزهر هاك الخوات المناجيــــر
وقال فيه الشاعر ضاوي بن ثاعي :
وين العديم الفيصلي القطامي = اللي دفن جسمه على حفنة النير
وين الشجاع اللي يقص العظامي=قاس الضروس مسمر الخصم تسمير
وين اللي فعله لعلى الناس زامي = لطام عبسين الوجيه المناكير
وين الأسد وان جا نهار العسامي=وتجمعوا والخيل جتهم دعاثير
واليا دخل فا المعركة واستقامي = يقطع كما تقطع حداد المناشير
لو انهم كثر الجراد التهامي = ترجع باهلها عن كمينه مدابير
ماكر حرارن من فروع المقامي = خيال زينات البكار الخواوير
وكل يعرفه من بحور طوامي = نصر البكار اللي حلقها دواوير
ماكر حرار من سلالة كرامي = بطل من أبطال الدهينات وامير
وأهل الجزيرة لبسوه الوسامي=ودرع الشجاعة جاه من سالم الزير
والتاج لبسه من سعود اليمامي=وعنتر كتب له في الصحيفة مناشير
ومشعان أخو جحله كتب له كلامي = يقول خيال السلف والمضاهير
وهذال ابن فهيد يرسل سلامي = ويرسل من أنواط الشجاعة تصاوير
وراكان ابن حثلين عنده علامي =* ويرسل قصايد للدهينة وتعبير
ونايف ابن حميد شد الحزامي = وينخى هل التاريخ كل الشواعير
ويكتب لمقعد والفعول القدامي=ولهل الشجاعة والرجال المناعير
وجميع فرسان الجزيرة تحامي =واكتب تعازي للدهينة وتقدير
وابن ألوى أرسل تعازي وقامي = ليوم تربة ومعسكرت المسامير
وسلطان يشهد له بيوم العدامي = يوم الهدة من قاد حمر الطوابير
ومن فتح البيبان يوم الزحامي = ومن كسر البيبان واطفأ الفنانير
ومن ورد الهياب حوض الظوامي = وشرب وسقاهم على جمة البير
أخيرا لا أعتقد أنني وفيت ابو غازي حقه لاكن نقلت بعض الابيات التي قيلت
فيه واتمنى من الاخوان ان يكتبوا كل مايعرفوه عن هذه الشخصيه العظيمه
تحياااااااااااااااااااااااااااتي
« آخـــر الـــمـــشـــاركــــات »
30-Jul-2005, 05:28 PM
أبيات قيلت في مقعد الدهينه
العرض العادي
