ودنا نلعب الطاروق والنار حيه

[سنجار المري]

ياسلامي علي العتبان قوم الحميه @@ من هجوسا تخالف وتدرج في رحاها

ودنا نلعب الطاروق ونار حيه @@ والنجوم المطله مرقبه في سماها

[فلاح الواهبي الشهراني]

مرحبا عند قوم(ن) ماتحب الخطية=من هجوس(ن) على العربان يذري ذراها
جر صوتك وسمعني صدى السامرية=والعرب والله انا ماطلبنا رضاها

[سنجار المري]

والبقا يامرحب وانت رجلك جريه @@ والعرب منت جاهل ياولد مستواها

يامسوي قضيه لو مابه قضيه @@ والرجال الوفى لا عاد تبحث خفاها*

[فلاح الواهبي الشهراني]

الهقاوي توصلني لهاذي وذية=وانت رجلك من الهقوه كثير(ن) عناها
انته اللي ضربت الصدر وتقول ليه=مير هبت المواقف قلت والله مااباها

[سنجار المري]

هامتي ماتزحزح مثل هضبت طميه @@ ياجمالا سمعنا أصواتها من رقها


الحقيقة لقينا من يرد الرعيه @@ وانت تهدم بيوت العز وغيرك بناها

[ف@د]

الله الله
صحت السنكم مليوووون
لاهنتوا

[فلاح الواهبي الشهراني]

كان هامتك هاذي ياعساها هنية=يارجال (ن)عرفنا فطنها من غباها
العلم مايطيح وسمعته عالمية=والعدود القراح الكل طامع بماها

[سنجار المري]

انتبه لأتزل الدرب وتخطي عليه @@ وعلتك في ضميرك ماكشفنا دواها

صاحبك ياولد معروف ودق التحيه @@ قوته ضاربه فالحرب يعرف نباها

[محمد ناصر الأكلبي]

المشاركة الأصلية كتبت بواسطة فلاح الواهبي الشهراني

الهقاوي توصلني لهاذي وذية=وانت رجلك من الهقوه كثير(ن) عناها
انته اللي ضربت الصدر وتقول ليه=مير هبت المواقف قلت والله مااباها

صحت الألسن جميعا
محاورة نارية من بدايتها
وأنا في صف الواهبي من غير قصور في أخوي سنجار
......

[فلاح الواهبي الشهراني]

مايجي من ولد واهب عليكم خطية=مير لا تسحب اعلوم(ن) مانجهل خفاها
التحية لابو متعب ونايف وليه=وانت نفسك بترمى كان مالله رماها