مطلوب سالفة وقصيدة لمن يعرفها

[شبيب شافي الملعبي]

القصيدة التي قام بغناها الفنان الراحل : فهد بن سعيد
وهي كالآتي :

ياحرق حالي من عذاب الدهر حرق = والكبد من غدر الزمان محروقة
أرع ليالي ماعرف الغرب والشرق = والجسم ناحل ذابلاتن عروقة
كيف المطر يمطر ولاشوف لة برق = والناس من حولي تخايل بروقة
دعيت شمر والقبايل بلا فرق = ورفعت بصياحي لبرقا وروقة

ارجوا الافادة عن قال هذة القصيدة والسبب الذي أدى الى قولها
أنا شخصيا سمعت بأنها للشاعر : شايع الهمزاني عندما كان في السجن
ولست متأكداااا

[محب الهيلا]

ان شاء الله يفيدونك الاخوان

[Man من العتبان]

اخوي شبيب الملعبي هذي القصيدة لشاعر د . شائم الهمزاني

وهذي القصيدة فعلن تغنى بهاا الفنان الراحل فهد بن سعيد

اما عن سالفة القصيدة ماعندي خبر فيهاا ! ولك مني القصيدة كامله :

يا حَرق ؛ حالي من عذابْ ..الدَّهر حـَرْقْ = والكبـد من غَدْر .. الزِّمَانْ إمْحَروقَـه
كيف المطر يمطر..ولا نْشوف له بَــرْق ؟!= محـرومْ والعالم .. إتْخَايِـل بروقَـــه !
ما كن في جسمي .. ولا نابـضٍ عِـرْق= أو باقـيٍ لــو .. قطرةٍ في إعْـروقَه
في مظْلـمٍ ما نَعْرِف .. الغَربْ والشَّـرق= ناسـين شَمْسـه ..غَرْبَهـا مع شُـرُوقَه
من قبل ما يْقَال.. النَّخَل شَـقْ به عِــذق= واليـوم نَقْر الطَّيـر ..كلٍ يُــذُوقَـه
مسجون ، ماهو بالمخـازي ولا الـســرق= بأسباب ؛ هــرجٍٍ ما عرفنا ؛ طروقــــه
وش عاد لوني نِحْتْ.. مع نايـحْ الـوُرْق= أو صِحْتْ بِصْياحي.. لْبَــرقا و رَوقـه
ونَخيْت شَـمَّر .. والقبايـل بلا فـَرْق= وابن سعـود وكـل .. نَفْسٍ شُفُوقَـه
والعَـين لو هَـلَّت .. هَمَاليلهــا زِرْق= تبي الفَـرَجْ رَبْ .. الـبَرايا يُسُوْقـَه
مالي سوى الله .. لا وسيله ولا طُــرْق= رجواي له ما شَيْ .. دُونَه يُــْعُوقَـه
كـل الْحَواجز رَحْمِتَه .. تَمْرْقَـه مـَرْق= من قبل لا يِرْتَـد .. طَرْفـي إلْمُوقـَه

وشكرا"

[شبيب شافي الملعبي]

اللة لايهينك على النقل وماقصرت

بس الشاعر أسمة
شايع لافي الهمزاني ولة قصايد كثيرة منها القصيدة التالية
عساها تحوز على أعجابكم

يامشغلن بالك ولا أحدن مراعيك = لاتنشغل في واحدن راح ماجاك
ماكل من حبيت وأغليت يغليك = ولا كل من تشفق على حبة أغلاك
تسهر تخيل ، نايم ماحلم فيك = ولاجت على بالة ولايوم طرياك
عندي دليل أنة من العام ناسيك = ولافز قلبة مرة عند طرياك
متعذب بالحب تسهر لياليك = واعزتي لك من عنا كبر بلواك
لاتنخدع في ضحكة السن يغويك = لاحتاج جاك ولاغتنى عنك خلاك
دور على غيرة عشيرن يصافيك = يغليك من روحة وبالقلب يفداك

وتقبل تحياتي

[Man من العتبان]

أخوي شبيب الملعبي مالك لوا

الشاعر د .شائم لافي الهمزاني الشمري هو معانه عضو بالمنتدى وهو يكتب في منتدى اهازيج شمر . .

يعطيك العافيه على القصيدة الجميله ولا هنت يا الغالي .

[عبدالله هادي ناشي الفليت.]

ان شالله الاخوان يفدووووووووونك

[محمد العتيبي]

شبيب شافي

شكرا لك على طرح الموضوع ..
ونتمنى انك وجدت الاجابه من قبل الاخ:man من العتبان..
. . .
.
الاخ العزيز :man من العتبان
شكرا جزيلا لك لتفاعلك مع الموضوع
ولاهنت ..

التوقيع

للتواصل عبر twitter تويتر al_bargawy@

[Man من العتبان]

عزيزي : أبو مشعاب

الله يعافيك ويسلمك واحنا حاضرين لطيبين ويستاهلون أعضاء المنتدى ومشرفينهاا . . لأن كلنا يد وحده في منتدى عتيبه .

تقبل مني أجمل وأصدق التحايا

[فهد النفيعي]

تسلمون على الموضوع

[شبيب شافي الملعبي]

لاهنت على النقل وماقصرت