هاجوس قلبي مفردآ به ومعميه :: عشاي كرز ومرقدي فالغماره

[خالدالعصيمي]

قصيده لشاعر مدمن التدخين
والعشق

وحب البداوه

ههههههههههه


[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
التتن دامه فالدكاكين بشريه "=
بريال والا بالف ماهو خساره

يامهبلك يامعذربه عند راعيه "=
ومن عذربه عندي بينقص وقاره

لاجيت باخليه ما أحتلت أخليه "=
مايطرد الهاجوس كود الزقاره

لولاه باوسوس وبامرض وباتيه "=
وتشوفني في كل شارع وحاره

مثل الهبيل اللي يضيع البصر فيه "=
ياكل من الضيقه حبوب الحراره

أنشهد انه حلو واللي محليه "=
راعيه ماتطفي مشاهيب ناره

وراع الهوى غير التتن وش يسليه "=
خصآ ليا منعت عليه الزياره

لاجيت جنبته وانا كنت ناصيه "=
وحطيت من بيني وبينه زباره

خايف عليه وخايفآ من دناويه "=
أبطفي الشعله تموت الشراره

ومصاحبآ جيرانه اللي حواليه "=
حيلة ضعيفآ في طرفها صقاره

وأحب ضيفة جاره اللي يواليه "=
القلب يمه والوجه يم جاره

والبر لولا البدو ماني مدانيه "=
لخضَر مخضرآ بقلبي خضاره

اليا خلا جال المرير ومضاميه "=
بعت البداوه واشتريت الحضاره

ولي صاحبآ يغليني إغلاي واغليه"=
من يوم حبيته ودليت داره

مدام منطوقه فديتك ولبيه "=
ماني مفكر فالفقر والتجاره

أسمر لعل البيض تفدى مواطيه "=
أموت في سكبة عضاه وسماره

واليا ضحك قلبي يفاخت عراويه "=
نذرآ علي معاد عندي عياره

تنشب عيوني في سنونه وأشافيه "=
لبعد عن الوجه المليح الستاره

وعرقا على كبدي ولاقلت له ليه "=
مانيب أحسد الشاطرين الشطاره

مابيه يزعل ودي أنضر وراضيه "=
لو أحذف بنفسي من اطول عماره

من أول أهذب كلامي وأنقيه "=
واليوم خاشرت الغجر فالغجاره

هاجوس قلبي مفردآ به ومعميه "=
عشاي كرز ومرقدي فالغماره





[/poet]