اخر قصيده لشاعر العسيلي رحمه الله

[((الدلبحي))]

نقلاً عن جريدة الرياض في يوم الاربعاء الثالث من شهر صفر

الشاعر العسيلي من المرواين من مزينة من بني سالم من قبيلة حرب ولد في بادية نجد بضواحي القصيم في عام 1360ه بدأ حياته العلمية في عام 1378ه بالخدمة العسكرية وحصل على عدة أوسمة تقديرية واكمل العديد من الدورات الدراسية اثناء خدمته واحيل للتقاعد عام 1412ه وتفرغ لاعماله الخاصة.

رحمه الله وأسكنه فسيح جناته

الناس ناموا وانـا العبـرات اجاذبهـا= جذب الدلي من معين وردها إحيامـي
بيديـن بــدو مشافـيـح تناهبـها= في نقضت الجزو والماء وردة إزحامي
اشوف وانكـر مـن الدنيـا مذاهبهـا= تضرب بنا امواجها في بحرها لطامي
ياكثـر روعاتهـا وقسـوة تقلبـهـا= وما طاب فيها من الأحـوال مادامـي
اللي من أول اركوبه فـوق غاربهـا= ماحصل اردوفها والمشـي iدرهامـي
تستدرج اهل الأمانـي فـي مكاسبهـا= لكن هيهات تصدق فيهـا الأحلامـي

ومن صدق الريـح واعيونـه يكذبهـا= كنه يقـارن غبـاه بفرصـة الرامـي
تمـر الأيــام ماكـنـي مجربـهـا= من تضحكه يوم يبكي باقـي العامـي
يالله يالله تكـفـيـنـا نشـايـبـهـا= ياواحد عن قضايـا الخلـق مانامـي
ياعالـم غيـب نفـسـي iلاتعذبـهـا= وتجعل لها حجة من نـور الإسلامـي
نفس ما باقي لها إلا شـوف طالبهـا= والموعـد المنتظـر تدنيـه الإيامـي
لنـا مواعـيـد مانـقـدر إنجنبـهـا= توقيتها محكـم فـي وقتـه إحكامـي


تـرم المنايـا ولاتخطـي iمضاربهـا= ومن صوبته سهوم المـوت ماقامـي
ساعة حيـات إليـا وقفـة عقاربهـا= الروح تصعد ويبقى جرحـي الدامـي
والمـوت ماتصلـح ارواح يخربهـا= ابا أترك الزوج و الأطفـال الأيتامـي
يالوعة النفـس مـن فرقـا حبايبهـا= ومن طول فرقا تعثر فيهـا الأقدامـي
لابـد مـن رحلـة مايعـود غايبهـا= وعن الحقايق تواري كـل الأوهامـي
معـي الوثايـق مختـمـة قوالبـهـا= وأخاف من نقطـة التفتيـش قدامـي


في مفترق طـرق ياكافـي مصايبهـا=احد الطريقين واحـد منهـن إلزامـي
اما مع أهـل اليميـن وعـز جانبهـا =ولا مع أهل الشمال وشرهـا الحامـي
رحماك رحمـاك يامـذري هبايبهـا= يا وامر المسلمين بوصـل الأرحامـي
دعـوة طريـح الخطايـا لاتخيبهـا= انا ضعيف الوسايل والهـدف سامـي
إليا وردت النفس ناضبـة مشاربهـا= يالله من شربة تقطـع ظمـا الظامـي
واجيرنا من الجحيـم وحـر لاهبهـا= وانت الذي من لجا بحماك ما يضامي

وسلامتكم