ابن العتيبي حروتك فاللزومي

[ناصر بن دغيم]

السلام عليكم ورحمة الله وبركاته
مساكم الله بالخير
هذه قصيدة قلتها في اخوي ( عبد الله بن سعد بن مسفر الدغيلبي العتيبي
اخو الشاعر سفر الدغيلبي بعد ان قضيت سنه عمل في لبخه مدرس ومن اول ماجيت لقيت الكرم والاستقبال الطيب الي اخر يوم قضيته عندهم الذي لايستغرب على اي شخص من عتيبه وشروى من يقرا القصيدة
المهم حبيت اكتب هالقصيدة عرفان بالجميل والتي لاتوفيه حقه وحق ربعه
وعسى ان تنال اعجابكم

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
قم يانديبـي ياصبـي المراسيـل = وصل رساله شمعـت بالختومـي
قم يانديبي واستلم جيـب موديـل =الفين واحد في جنوبـه رسومـي
فقسار لونـه اسـودٍ كنـه الليـل = اسبير تحته في قفـاه امحزومـي
امرفعٍ بطنه عـن الخـد والميـل = الحر الافجح فوق عالي الرجومـي
لامن نطحك تقـول رجـالٍ معيـل =امنسف اذراعه وصدره زمومـي
مراتبه من جلد مصنـوع تفصيـل = لونه مع الديكـور كلـه طقومـي
مجلس شيوخٍ تحكم الراي وتشيـل =في كل بنكٍ من رصيد وسهومـي
وانواره الغازي بوسـط القناديـل = اعيـون نمـرٍ جاهـزٍ للهجومـي
لامن عطيته سكته البر ما اخيـل = الاعجاجه مثـل عـج السمومـي
ولامن مشيت النفد بين الغراميـل =عطه الدبل لاتشتكـي بالهمومـي
وصل مراسيلي لقـرم الرجاجيـل = ابن العتيبـي حروتـك فاللزومـي
قومن ليا كال العرب زادت الكيـل= مجدن لهم واصل لحـد النجومـي
عّدا على الجازي وعدا على سهيل =لو غاب نجم سهيل ماقد يشومـي
نجـمٍ تقادابـه رجـالٍ مشاكـيـل = يمشي على نوره عيـالٍ قرومـي
لاجا نهار الكون والجيش والخيـل =عاداتهم تشبـع طيـورٍ تحومـي
قالوا ترى الهيلا كبـار التهاويـل = قومٍ تخلي السيف يشكي الثلومـي
لطامـة العايـل وذباحـة الحيـل =تلقى الصحن فوقه كبار الشحومي
تلقى من الكيفات زيـن المعاميـل =عادات قـومٍ وارثيـن السلومـي
لاجيت طرقي تجذبك ريحة الهيـل =امبهره مـن غاليـات الرسومـي
تفرح ليا جا واجب الضيف بالحيل = كلٍ يقول الضيف عندي معزومـي
قله تـرى فعلـك معانـا مكاميـل= اوفيت بالواجب وزيـن العلومـي
طيبك غمرنا ياخوي كنـه السيـل = ياجعل من جابك وطيبـك يدومـي
ذخرن لنا فـي وقتنـا والمقابيـل = لاجـا نهـارٍ فيـه لاح الغمومـي
فعلـك لزمنـا نذكـرك بالتماثيـل = وان طاح لي نظمٍ بطيبك يقومـي
وصلو على اللي مولده غزوة الفيل = محمد المرسـل بديـنٍ رحومـي
[/poet]