الشيخ سعد والشيخ حناش العرجي

[مانع بن سعد القحطاني]

مصافحة واعتذار عن الانقطاع

أبيات مهداه
للشيخ / سعد بن محمد أبو قفره
والشيخ / حناش بن جارالله العرجي (حاتم عبيده)
في رمضان من عام 1432هـ
عندما تلقيت دعوة من الشيخ / سعد للحضور معهما في مناسبه خاصه
وحيث تشرفت بمعرفه الشيخ / سليمان بن عبدالعزيز السياري
وكان من المدعوون
عند العميد طيار / عبدالله بن عبدالهادي الزهيري القحطاني
بالمنطقة الجنوبية

سلام ما راشت عيون الأواديم = تسليمة مالراس تنصى هل الطاس
تسليمة الصايم لجمع المصاييم = ففضل شهور الله لها عّد وقياس
يارب جنبنا من الباس والضيم = ويارب أجمعنا علي أنهار وأغراس
وفي جنة الفردوس بنجول ونحيم = لن النعايم خضَر ما فيه يباس
من بعدها كن الهواجيس كالديم = لا شفت من فعله يسجل بقرطاس
أرقى على النايف ودوس المراديم = والشاعر يميز هل الساس والراس
وطرز أفكاري في مدح الشغاميم = أعيال عودا ً وكل راس وله ساس
أكنها بين الضلوع المحاديم = والماقف الجبار له نبْر وحساس
وأعز فكري من جموع المخاديم = وأهديه للشغموم ولكل نبراس
مثل الذي فعله مع قوله مقيم = على صواديف الزمن لوبه عماس
يحلها لو شربك السيم بالسيم = حكمة وحنكة من طويلات الأنفاس
قلبه على الأصلاح مجبول ويهيم = وقلبة علي الفزعات جازم وحراس
ولاهو يحب أهل الوجيه المشار يم = الي تكن الواسطة جوف الادراس
هذاك (أبو قفره) زبون المحازيم = اسمه "سعد" فعله "سعد" سلم من الباس
ومن بعدها عندي سؤالا ً وله جيم = كم من شهر أهيم وأسئل ومنجاس
ومن فضل ربي قبل يومين بالتيم = قابلت من ذكّره في بالي وفـْراس
(حاتم عبيده) ملّك شمل المحاتيم = أسمه سطع بين المجرات يا ناس
ما نالها وهبه على الملازيم = أنها بوجه وجاه ومصارع أجناس
وأبن الحبيل "مرير" وصفه بترنيم = أكبر دليلا ً وكل الأخبار في الواس
(حناش) يمال الشحم يابني مضيم = أسما ً على جسما ً عريبا ً ومقباس
غنْيت مافي خاطري للمرازيم = إلي البسوا بالفخر جوخاً على الطاس

آخر تعديل مانع بن سعد القحطاني يوم 06-Oct-2011 في 02:07 PM.