شيلة قديمة في ذبحة الغبيا والضيرين بين الشيابين والدواسر

[فرناس]

هذي احد الشيلات والقصائد القديمة اللي قالوها الشيابين بعد ذبحة الغبيا والضيرين شرق محافظة بيشة بين الشيابين والدواسر قبل حوالي 30 سنة وكان من ضحيتها شيباني ينقاله شالح بن زهيميل ودوسري ينقاله مزيد بن مبخوت الله يرحمهم وقامت الدولة وحلت المشكلة ودفنت البيار اللي صارت عليها المشكلة

الادشيـبـان حــوض الـمــوت يـردونــهمامنهـم اللـي يبـا يفـهـق عــن الثـانـي

اليـوم الاقشـر عـلـى الـكـون يتمنـونـهلاصــاح فيـهـا الصـيـاح وثــار دخـانــي

لاجـا المنـادا وكــلا(ن) شــاف بعيـونـهكـلا(ن) نطـل قبعتـه ثـم قـام دجرانـي

بمسلبـات(ن) لنطـل القفـش مامـونـهمامنـهـن الـلـي يـبـا ترفـيـع نيـشـانـي

تـــرا اليـمـانـي صــوابــه مـايـداوونــهبمقفش(ن) مـارده مـن شغـل عمانـي

يـاهـل الكـنـك جــال مـانـا لاتـعـودونـهالله يجـيـنـا عـلــى جــالــه بـعـرنـانـي

هـاك السنـة يـوم اخـو همـلا تعرفـونـهيغـزكـم مـثـل غــز الـذيـب سرحـانـي

يغزكـم ليـن حـط الـحـزم مــن دونــهليـن ان شيـخ الدواسـر طــق نجـرانـي

كـم شيـخ قـوم(ن) بعـد هـذال يبكونـهقصه بسيف(ن) يقص الروس من داني

شـيـخ ولــد شـيـخ ذكـــره مايـدانـونـهعنهـا القبايـل تهـج اطــرف الاضعـانـي

كـم جمـعـة(ن) فرقـوهـا يــوم يتلـونـهلارد للسـيـف شـابـت كــل الاذهـانــي

لاطب جال الحمـل يمشـي علـى هونـههـذا كـلام(ن) عـلـى معـنـى وبرهـانـي

يرعـاه بـمـزرج(ن) حــد الصـفـا لـونـهلاجالهـن مـع طلـوع الشمـس ميـدانـي

ياسعـد ربــع(ن) نـهـار الـكـون يتلـونـهاليا اشتبك عجهـم فـي حـزم صدعانـي

راع المطـيـه عـــن الـقـمـرا يـغـزونـهيطرد بسيف(ن) مـن الدمـان غرقانـي

يبـا الكسيبـة وشــاف الـمـوت بعيـونـهولاعــاد يمـديـه يـزبـن روس ضلعـانـي

ولــد كــلاوة عـلـى الحـجـة يجـروونـهيـطـر جـيـبـه لـيـاجـا عـنــد سلـمـانـي

يـطـر جيـبـه وينـسـف دمـعـة عـيـونـهيبكـي بـكـا جــادل(ن) تبـكـي لخـلانـي

ولــد كــلاوة يـعـض الـحـيـد بسـنـونـهدون الـغـبـيـا شــيـــوخ الادشـيـبـانــي

ولـــد كـــلاوة تـــرا ربـعــه يخـونـونـهتــراه ربـعـه مـثـل عــزوة مريصـانـي

.................................................. ....................

للتحميل اضغط بالفاره اليمنى ثم حفظ بأسم

آخر تعديل فرناس يوم 26-Jun-2008 في 02:43 PM.

[سفن اب]

كفو الاد مشيب الله يعطيك العافيه........

[ابن طامي]

اخوي فرناس

الله يعطيك العافيه عندي ملاحظه بس

انت تقول المعركه هذي قبل 30 سنه

قبل 30 سنه واللي يرحم والدينك

آل سعود ماسك الحكم

شلون صارت المعركه ..؟

وقبل 30 سنه آل سعود صارلهم مده طويله جداً ماسكين


ياليــت تتأكد من المصدر



لاهنت ..

[البريماني]

هذي المعركه يالرويس على ايام الملك فيصل قبل 35 سنه تقريباً

وعلى ماضن راح من الدواسر سبعه ريجيل

[الرومي]

ونعم في الشيابين ونعم في المخاريم الدواسر ..

التوقيع

migeed33@hotmail.com

[عتيبـــــ ولد ــــــــة]

هذي هية على وقت الملك فيصل رحمه الله ..


وبيضت الآبار .. وكان فيها واسطات من السديري وتدخلت فيها أميرة .. وكان الملك مسافر ويوم عود ودرا عن السالفة قال إللي أخذوه العتبان لهم .. ولكن بيضت الآبار ..


ما تشوف الناس يذلون من العتبان ..؟ لأن ما عليهم من أحد .. المخطي والعايل يلطمونه ولو وراه دولة ..

[عتيبـــــ ولد ــــــــة]

طبعا يقولون الدواسر إن ابن ربيعان تدخل بـ 40 جيب وكل جيب فيه 4 ريجيل .. وعادينهم بعد ..!!!


وهي ما دخلها الا الشيابين ..


وابن حميد كذلك تدخل فيها .. وحصل له الموقف المشهور مع السديري .. يوم رد عليه الرد اللي ما بعده رد .. وطلع للكويت وسووا له حفل لا راح ولا جا مثله .....
.................................................. .................................................. ...............................................

نتمنى من الجميع الابتعاد عن جميع الاعتبارات السياسية فيما حصل في تلك الحادثة

الإدارة

[ربوع نجد]

القصة معروفة

وموقف ابن ربيعان وابن حميد قوي

من الرقابة ما اقدر اكمل

[الامير حريبيش]

كفو بالاد شيبان الفهود المغذاه موقفهم معروف

[عكاش]

بيض الله وجهك يافرناس على هالاحدية الحربية للشيابين في الغبيا والضيرين