ودي اتعرف على لميس

[طارق النفيعي]

•••••••×÷·´¯`·.·•[ _•• بسم الله الرحمن الرحيم •• _ ]•·.·´¯`·÷ו••••••

السلام عليكم ورحمـة الله وبركاته وبعد :

كما مكتوب بالعنوان ( ودي اتعرف على لميس ) !

طيب لو كلمت (لميس) ، وش راح اقولهـا

ممكن اللي عنده خبره في الضحك على بنات الناس يعلمـنا .

فهمتوا شيء !

مالظاهر انكم فهمـتوا .

راح انفهـمكم ياحلوين
الشباب اللي يغازلون 3 - 4 ساعات يوميـا مكالمـات مع هالبنات ، ودي اعرف وش يقولوون .

هالحين صار الغزل موضه الشباب والبنات ، لازم اتعرف على بنت حتى اصبح رجـلاً .
سبحان الله فيـهم حب ماهو طبيعي ، قلوبـهم فشفاش من الرقـه والرومانسية والحب والعاطفة .
كنت ومازلت اعرف شباب يسووولفون مع بنات ،.... طيب اسئلهم دائمـا وش تقول خلال هالمدة ؟! لو مكالمة لـ ابوك او امك غبت عنهم سنة وكلمتهم بالتلفون ماتجلس معاهـم 4 ساعات

قالي واحد : الكلام يجيب بعضـه ، وماتدري إلا هالساعات تروح بسرعـة > ماشاء الله عليك .

الأنسان بطبعه يحب كل شيء جميل وحلو ووده ايضـا يستقر ، والأعزب مسكين غير مستقر ( حركات كيميائية مايعرفها إلا اللي درس كيمياء ) ، لكن هنـاك حدود
وهناك الحرام والحلال .

نرجع لمحور حديثنـا ... وقصـتنـا :

كنت اجلس مع شباب يوم تجي الساعة 12 منتصف الليل .. تبدئ تسمع ( رسالة جوال او دقه وفصله ) وكل واحد ياخذ له مكان او زاويه في الاستراحـة ويجلس واللي يروح
السيارة واللي يمشي في الصحراء ( الساهرون على ضوء القمر ) ، وبعد ساعتين او ثلاث ساعات يجيك ونفسيته منفتحه للعب ... تقول سبحان الله طالع من عند شيخ .. ، متغير ماهو اللي كان جالس معـنـا ... ويجيك يضحك والوجه البشووووش من جد مرتاح نفسيـا .

بعض الشباب هدانا الله واياهـم اذا راح معاك مشوار... أو جلسه شاف فيها كم واحد يعني اللي يمونون قام طلع الفضايح ( اذا بليتوا فاستتروا ) والله البنت هذه
امس دقيت عليها طلعت لي اختها الصغيره وجلست اكلمـها وشوي وتجي خويتي (اختها الكبيرة) وتقول اشووفك حبيت الصغيرة ومن هالكلام ، وانا اشوي واشد شعر راسي ... ماني فهم شيء !!!!! تقول جاي من الديرة ... ماني مصدق ... احس انه يسوقها علينـا ...، وعاد بعض الشباب يبكش ويقوم يصرف علينا ويخلي نفسه دور البطل . طيب ليش .
قالوا انت دقه قديمـه مسوي علوم رجال ... افا يالعلم .

ما اصير رجال إلا حتى اتعرف على لميس >>> حلوه لميس ، اللبيب بالاشارة يفهـموا .

والله كل واحد اعرفه من الشباب حصلت يعرف بنت أو كم بنت بمعنى اصح ... ياناس وش هالدشرة ! اهـ

عاد المصيبة والمصيبه والمصيبه والمصيبه كنت في السووووق اشتري اغراض انا واحد ماهو صاحي ولا فيه عقل

خلاصنا ورحنا للسيارة وفي الطريق شفنا وشفنـا لكن شفنا وحده متحجبه ( حجاب كامل )

وانا اقول لسـع البلد فيهـا خير .

وهي يرد علي وياليته مارد وما تكلم

قال البلاء والله من المتحجبات !!!! ...................... ، لعنـه الله على ابليسك المتحجبه صارت بلوى ، بدل ماتدعي لهـا ان الله يثبتهـا ، تقول هالكلام
قال: انا شفت كثير .

عاد وش تسوي لاجيت تكلم مع واحد جاهل ... مصيبه . بعد هذا الكلام الشخص طاح من عيني وصارت العلاقة رسميه معـاه .

هذه الصدقات الخايسـه ...!!!

واحد شاب، جميل ،وسيم ( انا احسن منـه ) ، عرف النت وصار بالشات وطلع له رقم وهات مكالمات ويقول وبكل فخر تجيني الفاتورة 1000- 1500 ريال ، ماشاء الله عليك .
طيب ياابن الحلال ماتخاف من الله ، قال وش نسوي القلب يهوى كل جميل . ... ماشاء الله على قلبك 20 بنت ، وقال ايه : القلب يهوى كل جميل .

الآن انواع البنات :
- بنت داشرة بايعتـها ومافكرت تكلم في اليوم 50 واحد ماتفرق وتسووولف مع كل واحد ماتفرق .
- بنت مؤدبه لكن ودهـا تقلد ليش صديقاتي يعرفون وانا مااعرف لازم اتعرف .
- بنت بعد مؤدبه لكن من الطفش تبي تجرب حتى بكلامـها تحصل الادب والخوف في نفس الوقت ( هي نفس الثانية ) لكن هذه زي ماقال ابو فاتورة 1000-1500 ريال .
-بنت صالحـة ناصحـة وهذه البنت نعم البنت ، حتى لو واحد يكلمهـا على الجوال بالغلط يجيها سكته قلبيـه ، خوفها من الله ومن اهلـها وعلى سمعـتهـا .

في يوم من الايام رحت لكبينة مكالمـات ، الساعة 1 صبـاحا ، الكبينة يمكن 20 غرفـه 4 للعوائل ، جيت حصلت الكبينة مليـانه من الشباب ، بعضهم وانا امر على الغرف ، جايب اكله معاه والله العظيم وببسي طالع ومويه وفصفص .... كاشت الرجال .

شفت الوضع طول وقمت اسووولف مع الولد الجالس (المحاسب) وقلت له اشوف العالم طوولوا ... وانا مستعجل يعني لو من جوالك خلني اكلم ... هو طلع طفران قال مافيه رصيـد ..... (كبائن العوائل مافيهـا اجهزة تلفون ) للمعلوميـة .
وقاعد اقول شكل الشباب مغتربين عن اهاليـهم ، قام يضحـك وقال من جد مغتربين ، قال يكلمون اهلـهم 2 في الليل ، قلت يمكن تخفيض ... بصراحـة قال: والله انك طيب وعلى نياتك .
حسيت ان فيه شيء . مع المشكلة اللي كانت صايرة لي... الواحد ما يفكر ولا يطري في باله ان هالشباب ساهرانين على شان يغازلون (لازم حسن الظن ، وبصراحة ماطرى علي هالكلام).
قال: انت من اهل المنطقة ، قلت ايـه ...
طلع واحد من الغرفة ... اخيراً ، ..... فرحـان تحس انه منتصر .
دخلت اكلم ، المكالمة جلست اقل من دقيقة بس جلست في الغرفة اكثر من نصف ساعة !
ليش ! جلست نصف ساعـة ...

اخيراً عرفت وش يقووولون الشباب للبنات المساكين .
وش يقووولون ياابو روز

اللي قـدامي اسمعه يسولف (صرت اتجسس على العالم ، فضوووولي )
بعض الكلمات اللي فهـمتها منـه وهو يسوووقهـا على البنت المسكينة وهي مصدقـة :
(انا عندي مـبدأ ... لاتحسبيني مثل هالشباب )ماشاء الله مبدأ مثقف الولد .
(انا والله افكر فيك ... مانمت طول الليل ، ياليتنـا نجتمع لاخليكٍ اسعد بنت في العالم ) >> لا إله إلا الله ، الله اكبر عليك .
(والله ياعمري يـادنيتي يانور هالكون ان مافيه بالكون وحده مثلك ، انتي ملاك ، اخذتي عقلي وتفكيري) >> قمت الرومانسيه بغيت ادخل عليه بورده .
(قسم بالله لو واحد مسك شعره منك لو كان ابوكي اني لا اسوي فيه ... )) جكي شان .
بغيت اطلع له واقول ياخوك بطل بكش مسوي نفسك الشخص المثالي ، ...المشكلة يقول نكت بلاهـه .... اها يالقهـر بس ( والله اللي تعرفه ماصخه مثله )
تمنيت اعرف رقم هالبنت واقول لهـا ابصم لك على العشرة انه سلاق بيض ، بكاش ، ماعنده سالفه .
>>>>>>>>>>>>>>>>>>>>>>>>>>>>>>>> لايجيني احد يقولي خطيبهـا ! هههههههههههههه
ويوم طلعت من الكبينة قال لي المحاسب شكلك مغترب وقعدت اضحـك قلت شف الفاتورة ، مغترب ويكلم بريال !
واخيراً عرف ابو روز مايقوله الشباب للبنات خلال 3 سـاعات .
طيب البنات مسكينـات واااا علي عليـهم ... >> خير ان شاء الله

هذا واقعنـا ....... صح ؟!

وماخفي كان اعظـم ، هذا قليل من كثير !

لاا حد يجي ويكذب على نفسـه ويقول السعوديات ملائكة تمشي على الأرض وانهم شريفات عفيفات ويقهرني وتلقاه مرقم مليون بنت ،
انا اقول فيـهم الصالح وفيـهم الطالح والمنحط والكذاب وووو .

نستنتج من هذه القصـة :
ان لميس بقرة ماتدري وين الله حاطـها ويحي سلقـه ،، بكاش،، نماك

شكراُ لكم لقراءتكم لهذا الموضوع ، والله يصلح حال الجميع .

سامحونا !
ــــ••••[ •AbOrOsE• ]••••ــــ


الـتـوقـيـع :
::
..
.
كنت اتمنى افراده بالصور والايقونات ، لكن ماسمح الوقت .

نقله لكم / طارق النفيعي

التوقيع

أخوكم : طارق النفيعي

[عبدالله بن دبيس العتيبي]

ألف شكر ياخوي طارق على الموضوع الرائع

والله انك صادق صار شي عادي عند الشباب ويتفاخرون انهم تعرفوا على بنات والمصيبه ان بعضهم يملح السالفه يقول اني شفتها وسويت وفعلت
وهو والله لا سوى ولا فعل وهو مادرى انه يكسب ذنب آخر في المستمعين المساكين اللي بالعادة هم مراهقين يصدقون كلامه ثم يسون سواته بالطيب و لا بالغصب

وبعضهم مثل ماقلت الله يستر عليهم في الليل ويفضحون انفسهم في النهار . الله يسامحهم المفاخرة بالمعصية ذنب عظيم

والامر الاخر ان الشباب في الصيفية الله يهدينا وياهم حزموا امتعتهم بقصد السفر خارج المملكة لكي يشوفون الانهار والجبال والبحار على قولتهم والنسبة الاعظم منهم راحوا يشوفون شبيهات لميس وايضا نفس المشكلة صار شي عادي يروح برى ويسوي المنكرات ويأتي ويتفاخر بها وربما يحمل في دمه العديد من الامراض
مع الاسف صار شعبنا مشهور بالمنكرات ولاتشوف سعودي في دولة خارجية الا ودائرة الاتهام تدور حوله

يأخواني اذكركم بحديث خير البرية علية افضل الصلاة والاسلام او كما قال
(( يامعشر الشباب من استطاع البائة منكم فاليتزوج ))
ترى الزواج نعمة كبيرة راحة نفسية واغض للبصر وللفرج
تكفون ياشباب خلوا عنكم سفايف الامور وتذكروا ان الله دائم هوا الذي يشاهدكم

واعلموا ان لا ينكح الزاني الا الزانية
فهل يريد احدكم ان يتزوج زانية والعياذ بالله


وتقبلوا تحياتي

آخر تعديل عبدالله بن دبيس العتيبي يوم 21-Jul-2008 في 07:35 PM.

[طارق النفيعي]

الله يعين ويصلح الحال

وشكرا للتواصل يالغالي ..

[السبيــــعي]

مشكووور اخوي طاارق

والله يعطيك العافية

هالعالم مالهم غير سالفة لميس

الله يصلح القلوب والعقول

[طارق النفيعي]

مشكور على التواصل

[عبدالرحمن الهيلوم]

مشكوووووووووووور يالغالي

تقبل مروري
دمت بووود

[طارق النفيعي]

العفو والله يسلمك ..

[راعي البلهـا]

مشكور ولاقصر حقيقه موضوع جميل
ينبع من قلب يحس بالغيـــــيره
علا أبناء وبنات المسلمين


دنيـــــــــــا بلاوي عشنا وشفنا وعساها عند كذا ماتعــــــدا..

[فيصل المسند]

الله يقلع لميس علمونا الرومنسيه ما نعرفها فسدو شبابنا الله يذهبهم
لاكن الله يهدي شباب المسلمين وصراحه اخوي طارق هذي العادة (مكالمة البنات) صارت امر ضروري عند كل شاب وفتاة وصار يتفاخرون عقب ماكانت الرجوله باالفروسيه وغزو القبايل والغنايم ومجالس الريجيل وشبت النار وغيرها من علوم الريجيل اليوم صارت بترقيم الا القليل من رحم الله
لاكن الله يهديهم ويردهم لصواب

[عبدالسلام النخيش]

لاهنت يا طارق

والله لتضيع العلوم