رشــــــيــــــد الـــــــزلامـــــي وشـــــهــــران الــعريـــضـــــة.

[قادح شرار]

أعزائي أعضاء وزوار منتدى قبيلة عتيبة الهيــــــلا .

نزولا ً عند رغبة أحد الأعضاء برؤية أو سماع محاورة دارت بين:

صنفرة الشعراء وعميد الشعراء ومركز الصيانة والفحص الدوري لجميع الشعراء (رشيد الزلامي ) .

وأمبراطور العرضات قلنا فن العرضة (محمد ابن ثايب الشهراني ).

سأقدم لكم هذه المحاورة التي أتمنى أن أكون وفقت في كتابتها ونقلها أملائيا ً بالشكل الصحيح لأن الصفوف أيضا ً في تلك الحفلة واجهت بعض الكلام الغير مفهوم أو الكلام الذي لايحمل تركيبة فن البيت في شعر المحاورة . بسبب أن أحد أطراف المحاورة ليس من أهل شعر المحاورة .

لا أطيل عليكم أترككم مع المحاورة .


الزلامي :

يوم جينا حفل أهل بيشة وشهران العريضه = يا سلامي عد ما تمطر وما يرعد رعدها
القصايد يا ابن ثايب معرفة ماهي فريضه = وأنت عاقل وإنتبه للأوله واللي بعدها

ابن ثايب :

من هجوسا ً تشفي الوجعان والنفس المريضه = مرحبا ترحيبة ٍ ماهي بتخلف عن وعدها
الطويلة بالطويلة والعريضه بالعريضه = أنت الأول وأنت الآخر سِلها ولاّ أجتردها

الزلامي :

لو طلبت أسمك وعنوانك ورقمك فالحفيظه = قلت أنا خايف من الدنيا علي ّ تمد يدها
الخيال اللي صلاة العصر روعني نفيضه = ما لقينا منه قـُطرة والجفاف أمرّودها

ابن ثايب :

الجمر ماهو بيجهل والحبيبة ما البغيضه = من تدرأ ما زرع والنفس ما تامن لحدها
يا حمام الورق غرّد في ربيع ٍ مثل قيضه = الزلامي والسناني والدغيليبي عمدها

الزلامي :

لاتواخذني ترى ما غير كلمة مستفيضه = وأنت ما علمتني بالأم وش سمّت ولدها
أشهد إنه ذيب غدرا وأشهد إن أمه حضيضه = وإنها ربحت ولا خسرت رضاعه من نهدها

ابن ثايب :

اسمه محمد ولكن كل طاروق ٍ يهيضه = لين تلحق بيشة الفيحاء ويسترسل مسدها
بو جميل الله يعزه شارب ٍ تالي حميضه = ناوي ٍ يحتج حِجة من عرفها ما نشدها

الزلامي :

ليه ما سمّت على اسم أخوانها عايض وعيضه = وش تبي بمحمد اللي لو تروّح ما فقدها
وقتنا يا صاحبي مختلطة ٍ سوده وبيضه = والعرب ما ودنا نهجم عليها في بلدها

ابن ثايب :

بل ذيك العين يا سراق حجاج القريضه = ساعتين ويقنب السرحان من زمكة يسدها
أحد ٍ يذبح جمل وأحد ٍ يجيك يشل بيضه = والثرى ماهو بحولك يالثريا يطّردها

الزلامي :

أنت لو حجيت واجهتلك نكبات ٍ غليضه = والله إنك ما تعوّد غير بالغترة وحدها

إنتهت المحاورة .