مليـــك عــرشــه

[فواز علي الروقي]

مليك عرشه

كثـــــر الحكي سواء عَلّي إنتفاضه
..........فالشعـــر والاحداث حتى فالاسلام
دمار شامــل في خطابه حضاضه
..........يضيع المسلم ويحكــــــــم بالإعدام
شيطان شاطر عاجـــــلٍ بإنتهاضه
..........يفرق جموع الناس والضيم قــــدام
ليا أقبل علاك تقول مــزين بياضه
..........وليا بخصته داب فصيله الســـــــام
يسعى ورى التخريب لاعب رياضه
..........ومن النشاط تقــول لاعب للاجسام
حكيٍ بهـــرنـا مشيته وإعتــــراضه
.........تمشي به جنوده على كيــف مارام
تذهـــل ليــا شفتـه ملاء كل فاضه
..........وترعب ليـا شفته على الخلق قوام
مليك عرشه صعب عنه إنقضاضه
..........واللي ملك له حـــط له سرج ولجام
هاذيك جنـــــده واقفه وذي رباضه
..........جندٍ ربها بالهـــواء وغيرها إرغام
اللي رباها بالهــــــواء هم غلاضه
.........واللي رباها غصب من ترج الاكمام
وقــــــول الرذيله للمنافق فضاضه
..........يصنع بها مشكل ويرفـع لها إعسام
وهاذيك مجتمعه وهـــــاذي نقاضه
..........ناسٍ فرقها وناس ماتحت الاقـــدام
ياطا علاهــم عجل وأيضاً براضه
..........ولحدٍ وقف ضده بــربعه والأرحام
وقول الخطا خيــــــم علانا بقاضه
.........وأيبس حلوق إقرومنا قبــــل تنظام
قول الخطا اشوف طالت عـراضه
..........اليـــــــا متى والناس ماتسوم تنسام
واللي نباه يــــــذود يشرب حياضه
..........ومن عداد إجنـــودهم حط ضرغام
ياناس اضعـــــف اسلحتنا اتعاضه
..........والكلمه اللي ماتبى حلــــف وإقسام
تلقى على شيــن العمل لاإعتراضه
..........وليا عصى يرفـــد لايفتك بالاعلام
الشاعر :
فواز بن علي بن سريع الروقي

آخر تعديل فواز علي الروقي يوم 04-Aug-2008 في 09:58 PM.

[محمد العتيبي]

فواز بن سريع الروقي

قصيده قرائتها تكفي عن التعليق ..

بارك الله فيك .. وصح لسانك مدد بلا عدد ..
...

التوقيع

للتواصل عبر twitter تويتر al_bargawy@

[فواز علي الروقي]

المشاركة الأصلية كتبت بواسطة محمد العتيبي

فواز بن سريع الروقي

قصيده قرائتها تكفي عن التعليق ..

بارك الله فيك .. وصح لسانك مدد بلا عدد ..
...

اخي محمد العتيبي
صح بدنك يالغالي
شرف اليوم محضورك عساك طيب يكفي الحصور التعليف الظاهر ماعليها تعليق ان شاء الله
تحياتي لك

[عبدالرحمن الهيلوم]

صح ااالسانك يالغالي ابن الغالين

[عبدالله الجـــذع]

فواز الشهاده فيك مجروحه

قصيده لايشق لابداعها غبار

الف شكر لك على امتاعنا بهالنص الفاخر

محبك

.,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[معجب العتيبي]

صح لسانك


قصيده تستحق القراءه


وشاعر يستحق المتابعه



شكرا لك

التوقيع

[فواز علي الروقي]

صحت ابدانكم يارجال
تبيضون الوجه والله يبيض وجيهكم
والله ان طلتكم علينا انها كنز غالي
بارك الله فيكم
تحياتي لكم

[فواز علي الروقي]

اررررررررررررررررررحبوا جميع
حياااااااااااااااااااااااااااااااكم الله

[سعد بن مطلق المقاطي]

صح لسانك على القصيده الطيبه

التوقيع

ديــــــــــــــــواني

[فواز علي الروقي]

المشاركة الأصلية كتبت بواسطة سعد المقاطي

صح لسانك على القصيده الطيبه

المقاطي لاهنت بيض الله وجهك ولاهي غريبه يابن العم عليك الطله م
تحياتي لك