الليالي علمتني عن نجوم الظلام

[ال مسدر]

بسم الله الرحمن الرحيم
هذه قصيدة أعجبتني وهي للشاعر عبد العزيز بن مستور العازمي العتيبي
وهي مرثية في المرحوم بإذن الله عبد الهادي بن عبيد العازمي العتيبي أسكنه الله فسيح جناته ومهما كتب فيه من الشعر في مكارم أخلاقه ورجولته ونبله ومخافته لربه فلن يوفى حقه
وإليكم القصيدة

الليالي علمتني عن نجوم الظلام=كل نجمة في سماها لها منزالها
وأنت أكبرمن منازل نجومن فالعتام=أنت مثل الشمس في حلها وترحالها
داخلك يتيم يكبر على مر العوام=نظرته قدام والعالية يرقالها
في محياك وسموك مثل كل الحشام=لكن اخصالك عن الغانمين ألحالها
الكرم والمده الجزله مع زين المقام=كنها الماطر وكفك صدوق اخيالها
والشجاعه والمروه على صدرك وسام=من رجالن ترسي اقوالها بفعالها
عون من قضه زمانه من اعلو السنام=مثل ما قال المثل للحمول اجمالها
فيك يلقا من تحزم من حزامك حزام=ولو طلب نجم الثريا بجاهك نالها
أنت عبد الهادي عبيد فكاك الخصام=أنت من قال ازهلوها وانا خيالها
النوادر والمثايل وصعبات المرام=كلها مع طاري اسمك يجي مجالها
في حظورك اعرف ان المكارم للكرام=ما تعدتك الجزيلة ولا فـــنجالها
ومن شموخك تنزل الروس هيبة واحترام=والهقاوي في زمانك على منوالها
وفي رحيلك قلت لناس والدنيا سلام=والسنين الغبر فال الله ولا فــــالها
كل ليلة من ليالي رحيلك ما تسام=كنها حمله ثقيله على شيالها
والأمل بالله باقي ولله الدوام=لو مجا هيم الليالي تصب اهوالها
صفقة فالوجه تبقى ولا يبقى كلام=غير كلمه بين الاضلاع قلبي قالها
ياولي الكون يامن إليك الإحتكام=يا غني عن ذنوب البشر واعمالها
أسألك تغفر ذنوبه على مر العوام=وتجعل الفردوس تستقبله بحلا لها
وتجمعه مع خير أمه على نهج الإمام=خاتم الوحي السماوي وخير ارجالها
صلي وسلم وبارك على خير الأنام=كثر من عاشو على الارض طول اجيالها