ياسعــــــــود قله ترى ماللجـــــفا داعـــــــــي.......؟

[ابراهيم الزراقي]

هذه ابيات جديده اتمنى انها تنال على اعجابكم وترقى بمسامعكم

البارحه يوم كل الناس هجاعي=ياسعود عيا لذيذ النوم ياتيني
ماغير اهوجس وطول الليل انا واعي=أصارع الهم والعربان ممسيني
من ضيقتن كامنه في داخل أضلاعي=تلوف قلبي وتجري مع شراييني
خلتني اسج وانسى درب مرجاعي =وأتوه وامشي مع دروب المقفيني
بسباب من راح مانشد عن أوضاعي=الصاحب الي رحل ماشافته عيني
روح وخلاني لحالي مع أوجاعي=آسامر نجوم ليلن ماتقديني
روح وأنا من بعد فرقاه منلاعي=وهمومي أكبر من هموم المساجيني
والحزن في خافقي مصياف مرباعي=والجرح ينزف ولابه من يداويني
ياسعود قله ترى ماللجفا داعي=وشلون يقوى يابن عمي يجافيني
وشلون يتركني من الهم منصاعي= وهو الذي حالف إنه مايخليني
مايدري أن العمر من سبته ضاعي=وأني من الهم مدري وش عناويني
ولايدري ان الزمن ياسعود خداعي=له وقفتن واضحه بين المحبيني

مع تحيات... ابراهيم الزراقي

[معجب العتيبي]

مبدع كعادتك يالزراقي


لاعاد تطرد المقفين وتتعب


نتطلع للمزيد

شكرا

التوقيع

[فهد النفيعي]

صح لسانك وبيض الله وجهك

[كامل الذوق]

صح السان شاعرها

[/عبد العزيز الجذع/]

الله الله...


قصيدة جميلة...


صح لسانك..


وفي انتظار جديدك...

[ابراهيم الزراقي]

الله يعطيكم العافيه على الردود وصحت ابدانكم

[معلا إبراهيم الأسعدي]

الله الله...




صح لسانك..




قصيدة جميلة...

التوقيع

[عبدالله الجـــذع]

ابراهيم

صح لسانك مليون يالغالي

رآئع ومبدع كما هي عادتك

ننتظر جديدك

محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[السبيــــعي]

صح لسانـــــك
الله يعطيك العافية يالغالي

[ابراهيم الزراقي]

لاهنتوا الله يعطيكم العافيه وصحت ابدانكم