سعود بن مقعد الدهينه

[محمد النخيش]

هذه القصيده ألقيتها في حفل الشيخ / سعود بن مقعد الدهينه أطال الله في عمره

ياسلام الله سلام(ن) فيه من عطر الزهور=وفيه صدق شعور شاعر للدهينه قالها
ردة(ن) تاجب على المسلم وتلفظ للحضور=للعموم من الرجال الله يطيب بالها
وبعد تسليمي عليكم مالنا غير السرور=الفرح عنوان ليله عالي(ن) منزالها
عقب طاب الشيخ ياطيب الليالي والشهور=مايزين كل صحراء غير عظم جبالها
غردي باليوم كله يابلابل ياطيور=أزعجي بالصوت دار(ن) رحبت بأبطالها
واستمل ياغرس فرحه لين يجلا الليل نور=حفوة(ن) بالشيخ راع الطايله وحبالها
وأعلن الأفراح يانير(ن) عظيم(ن) ومخبور=عقب شيخك عاد متعافي وداره جالها
وأفرحي ياتربة(ن) صانت طويلين الشبور=يوم عود شيخنا اللي كل ذربه طالها
وأفرحوا ياربعه اللي مايقاسيهم دبور=دام فيهم مثله وشرواه طيب فالها
أنت ياسعود الدهينه باني(ن) للمجد دور=وأنت في وسط القبيله من عظيم رجالها
كل ماقمت بقضيه يابن مقعد ماتبور=أنت فكاك النشايب دقها وجلالها
ماثنيت الرجل راحه من قديمات العصور=هم ربعك همك الأول وحالك حالها
وجا برجلك من قساك آلام ونشوفك صبور=ولاتركت اهمومنا من عقب جا اللي جالها
ياعسى ماجالها يابو فهد كسب وأجور=وياعسى ثياب العوافي ضافيه بأطوالها
أنته ابن اللي نقش اسمه على صم الصخور=راعي الفزعات وحمول القبيله شالها
كان ماحطيت فيك الشعر من صادق شعور=وش له أبدع فالقصايد وأطرب بموالها

وسلامتكم

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[فيصل المسعودي]

الله يحفظ الشيخ سعود الدهينه من كل شر

ويبقيه لنا سالم وغانم

ويمده بالصحه والعافيه

ويجعل ماجاه تخفيف وتطهير له

نسأل الله له طولة العمر على طاعته

ويبقى ابو فهد رمز للقبيله وللكرم والطيب والعلوم الغانمه كلها

صح لسانك يامحمد على القصائد الطيبة

وابو فهد يستاهل بلا شك

ونعم فيك يالغالي

تحياتي

[محمد النخيش]

صح بدنك يافيصل ولاهنت وتواجدك ومتابعتك شرف لنا


وابو فهد يستاهل كل خير والله يطول في عمره والقصيد مايوفي حقه


اسعدني مرورك

[أبو نجر النفيعي]

..

الله الله يابو غازي ..

صح لسانك على هالقصيده الجزله .. وبيض الله وجهك

ويستاهل ابو فهد ..والله يطول عمره ..!!




أخوك

التوقيع

.....

[محمد النخيش]

ابو مفلح صح بدنك ووجهك ابيض ولاهنت على المتابعه

[النخيــــــش]

بيض الله وجهك يابو غازي

وصح السانك ويستاهل ابو فهد الله يطوال في عمره


ويعطيك العافيه

[محمد النخيش]

المشاركة الأصلية كتبت بواسطة النخيــــــش

بيض الله وجهك يابو غازي

وصح السانك ويستاهل ابو فهد الله يطوال في عمره


ويعطيك العافيه

ووجهك ابيض وصح بدنك ولاهنت على المرور

[عبدالله الجـــذع]

صح لسانك يامحمد

والله يمد الشيخ سعود بالصحه والعافيه

ألف شكر لك

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[حمود غنام المرزوقي]

صح لسانك ماقصرت

قصيدة جزلة وجميلة

لاهنت

والله يطول عمر الشيخ

سعود بن مقعد الدهينة

تحياتي

[قادح شرار]

الله الله .

صح لسانك يابو غازي .


علامك طوّلت الغيبة عن قسم المحاورة ولا عاد جيتنا . نباك تشرفنا قريّب , قبل ما نجيك مغيرين .


الله يطول بعمر الدهينة ويمده بالصحة والعافية ويخليه إالكم يالنفعه ويخليه إلنا يا عتيبه كلنا .