مرثية لمحمد بن غازي النخيش النفيعي .. صوتية

[طارق النفيعي]

هذي المرثية بصوت وكلمات محمد غازي النخيش النفيعي في المغفور له بإذن الله الأستاذ / مزيد بن فالح بن عفتان النخيش اللذي وافته المنيه أثر حادث مروري شنيع على طريق الدوادمي والبجادية
مساء يوم الخميس الموافق 12 / 3 / 1429هـ

وهذي كلمات المرثية :

الله يادنيا العنا والمعاناه=مافيك أحد مرتاح طول العوامي
من يوم خيم أول الحزن وأتلاه=على القليب اللي من الهم دامي
بأسباب علمن هز جسمي وقزاه=علم ٍ كما الكابوس وسط الحلامي
علم ٍ لفاني جرح القلب واشقاه=علم ٍ جعل حالي ونفسي عدامي
علم ٍ جعل بالقلب مليون عرقاه=أزريت أقوم تقول مالي عظامي
من قو وقع العلم لاشك ماأقواه=النور كنه في عيوني ظلامي
والدمع فوق الخد هل ونثر ماه=يهل هلن مثل وبل الغمامي
قالوا توفى مزيد وجاه ماجاه=في حادث ٍ خلى المواتر حطامي
صدمه على قلبي وموته مفاجاه=والجو عندي صار كله عسامي
والنوم عيني ماتذوقه وتهناه=لاشك أببطي ماأهتنيت بمنامي
ماقول غير الله يالله يالله=ياواحد ٍ خلاق كل الانامي
تغفرله ذنوبه وتمحى خطاياه=وقبره يعطر بالنفل والخزامي

وهنا رابط المرثية بالصوت ( شيلة )

http://www.up4vip.com/up/download-8d72ff4aa2.rar.html

أخوكم / طارق النفيعي

التوقيع

أخوكم : طارق النفيعي