محاورة فهد البراق و فواز الثبيتي

[محب الهيلا]

السلام عليكم ورحمة الله وبركاته




محاورة فهد البراق و فواز الثبيتي



فهد محمد البراق



يـا سلامـي ولانـي قاصـد الا
شـاعـر أرد الشـعـر اعتـبـاره
والله ايمين ما القصـد اتسـلا
مثل شعار بأسمى مستعاره





فواز ابن منيع الله



مرحـبـا يـارفـيـق(ن) مـايـمـلا
يعطي الشعر عنوان وحضارة
مـن قـرب للمشاهيـب يتصـلا
يقـرب النـار ويــذوق الـحـرارة





فهد محمد البراق



البقـا باسـم مـن رحـب وهــلا
عند من لازم السـوق وعقـاره
انـتـخـانـي ولا عــنــه اتــخــلا
لين اجنبه عن سوق الخساره







فواز ابن منيع الله



كل عقدة لهـا عشريـن حـلا
لاتحسب اللـوا فـن وجـدارة
نعنبوا من عن الواجب تولى
لين ياقف على حـد الجبـارة





فهد محمد البراق



الله اعـلـم بـمـن كـبــر وصـــلا
ولا تجـوز الصـلاه ابــلا طـهـاره
مـن يضيـع طريقـه مــا اسـتـد
لاكم وكم فالبشر سواق طاره



فواز ابن منيع الله


يـافــهــد مـاتــهــاب ولا تـــــذلا
تمشي الخط من دون استمارة
ابـشــروا بالـخـيـال المسـتـهـلا
وانتـظـر بــس توقـيـع الـــوزارة



فهد محمد البراق



دام فــــواز بـالـعـيـن يـتــحــلا
الحـذر والحـذر قطـع الاشــاره
كـل صـقـر(ن) بجنحـانـه تـعـلا
والجدي فالسما مخطا مساره





فواز ابن منيع الله


طيع شاري وخلك فالمصلى
بيـن ركـن المطـوع والمنـارة
لو فهد فوق خلق الله تولى
كان كل(ن) تجلى من ديـارة





فهد محمد البراق





شور ما له ذرا ولا مظلا
مقتديبه ولا باخذ بشاره
الفهد لو يتابع كل زلا
ما حصله مع العالم صداره





فواز ابن منيع الله




سرحـوهـا وبـاتـت فالمـفـلا
بين حد السواط اليا جدارة
تحسب المرجلة شرب محلا
قبل خلط الحلاوة بالمرارة