النايفااااااااااااااااااات

[الروقي911]

الصبر مفتـاح الفـرج .. والطيـب منهـاج القـروم
والـرازق الله ربْـنّـا المعـبـود ومحـمـد نـبـي
والصح في عكـس الخطـا والنـاس تفنـى ماتـدوم
والذيـب ماهـرول معـه مـن خلقـة الدنيـا ظبـي
ونور (ن) .... يشعشع من قمر يقضي على نور النجوم
والعـرف بالتقـوى يـفْـرّقْ بالعـجـم واليعـربـي
وانـا سلـومـي ماتخـالـف يامخالـفـة السـلـوم
مهمـا ومهمـا فـي زمـانـي ماتغـيّـر مذهـبـي
وكل العلوم اللـي تخالـف ماعتبرهـا .. لـيّْ علـوم
امشي علـى وضـح النقـى وامـس للطيـب شنبـي
ونظرات عيني مـن ورى مـن رف جنحانـه يحـوم
مالـدهـا للأرصـفـه والا عـلـى حــد ركـبـي
وقت المهمه حاضر(ن) .. ماغيّبْ فـي وقـت اللـزوم
يقطعك يـاراس(ن) .. علـى حـزة لزومـه يختبـي
يامعاشر الجربا .. لعلك .. فـي .. مطاحـك ماتقـوم
وان قمـت يابعـد الشفـاء عـن حالتـك يالأجربـي
ماعـاد يرضينـي مصافـح منّـك وملامـس خشـوم
حتـى ولـو حججتنـي مـن فـوق راسـك وتحبـي
اللي عـرف روس الشـلاوى ماجهـل روس البقـوم
والنـار نـاري والحطـب فالنـار .. ماهـو بحطبـي
والنايفـات اللـي عليهـن يشهـر الحـر .. العـزوم
ماهـن مداهيـل الغبـي ياللـي تـمـرون الغـبـي
قولوا .. له إنـا .. عـن سواليفـه وعاداتـه نشـوم
واللـي ينـزل قيمـة الرجْـاِل .. لـه .. مانقـربـي
مابانت الشهـره علـى المجحـود فـي ليلـه ويـوم
مغشوش بنحاسـه وانـا معـروف بأسمـي وذهبـي
واللي تغـادر رحلتـه ماعـاد نرجـي .. لـه قـدوم
يـروح مـرواح القطـا .. ويمـوت مـوت التغلبـي
والصبـر مفتـاح الفـرج ياللـي تجاهلـت الـقـروم
طـال الزمـن وإلا قصـر ماصـرت مرسـول ونبـي


وسلامتكم