عســ القوافي ــاف ينتظر الترحيب من الجميع وخاصتن البارع

[عســـ القوافي ـــاف]

بسم الله الرحمن الرحيم
السلام عليكم ورحمة الله وبركاته

ام بعد احب ان اشارك في منتدى عتيبه الهيلا ذباحة حايل لاطامة العايل

والمشاركه تحكي عن نفسها واهديها لجميع من يقرأها واخص بالذكر
اخووووووووووووووووي البـــــــــــــــــــــــارع
واليكم هذه الابيات اللتي اتمنى ان ترتقي لذائقتكم



واليكم هذه الابيات

في منتدى العتبان سجلت انا ضيف
وسجلت للمعنى حظور وأشاره
لاصار ظهر الشعر مطعون بالسيف
والدم ينزف من جسده بغزاره
والمتهم معروف من دون تعريف
دونه أرد الغزو وأخذ بثأره
مدام حرفي ماشين لي على الكيف
خلو بساط الشعر ينفض غباره
ولاعاد يشكي من هبوب المعاصيف
مدام نايف مسرجن له مهاره
يبشر وانا شوق الثمان المراهيف
اللي حلاها فاق كل العذاره
والله لاارقى به طويل المشاريف
وأشب في راس الطويله شراره
ولا ألد لضعوف البشر والملاقيف
اسمع كلام اللي براسه نعاره
اللي يجيب العلم من دون تزيف
لاصار حظك تزهمه بالاشاره
يركبك رنجن بليا مصاريف
ولاصار حظك طايحن من عماره
وألا مدحدربك على حفة جريف
ويدوب يشريلك ددسن غماره
جنب عن دروب الهوى والمولايف
مالك ترا فيها ربح وتجاره
شفني من اسبابه اجر التحاسيف
على وليف(ن) راح واقفت دياره

وســــلامتكم
لاتحرومنا تعلايقاتكم الحلوه
عســــــــــــــــــ القوافي ــاف