...ذيبٍ عوا للذيب...

[مخلف الهقاوي]

السلام عليكم ورحمة الله وبركاته

اخواني اعتذر عن انقطاعي لفتره عن المنتدى .. وجيتكم بهالمشاركه

لعلها تشفع لي

ذيبٍ عوا للذيب ياذيب الخلا رد القنيب=اهتزّت ضلوعه وجرّ عواه من شي اجزعه
يندا جبين الحر من طاريه والعارض يشيب=حتى قويّ الباس يلقى لو يشوفه مصرعه
كيف الصحيب انكر صحيبه والقريب انكر قريب=شقٍ كبير ولا لقينا ياعرب مايرقعه
الطيب ماله بالمقابل ياصحيبي غير طيب=هذا الصحيح اللي تخطّا مرتدين الاقنعه
مات الضمير وعقب موته يالوفا جرّ النحيب=هذي نتايج وقتنا هذي فعوله وسنعه
يفداك يابن العم من دسّ السّنا وسط الرويب=يفداك عصبة مبغضينٍ للردى متجمّعه
ياذيب دام انك تجرعت المراره وانت ذيب=حقٍ عليّه يابن عمّي دونك السم اجرعه
ماقد عشقت من الدروب الا العسيره والصعيب=اصعب مشاوير الرجال اشوفها لي ممتعه
ياذيب دام انته وانا من قومٍ تضد الحريب=اطنخ وراسك للعلا مافيه شيٍ يمنعه

اخوكمــ فالح المصعوك الغنّامي