قصه وقصيده ؛صيد الحيه واربط فمها

[عبدالرحمن الهيلوم]

قصه وقصيده ؛صيد الحيه واربط فمها

بسم الله الرحمن الرحيم


السلام عليكم ورحمة الله وبركاته


نبدا القصه ////////////////


رجل تزوج علي زوجته القديمه ومضت فتره علي زواجه الثاني

وحس الرجال انه زوجته الثانيه فيها بلا يعني ما تحسسه بحبها له


يعني من تزوجهاا والمره ما تضحك له ولا حتى شاف شي من مداعباتها له

الا فترات بسيطه يعني شي مايذكر

والرجال قام يشك بزوجته انه يمكن تحب غيره ومن هالكلام

راح حق مره ( امراه ) كبيره يعني مشهوره بالذكاء والحكمه


وعلمها بسالفته وشارت عليه انه يصيد حيه ويربط فمها

ويخليها علي صدره ويسوي نفسه ميت

وفعلا سوا اللي قالت عليه المراه


ولما وشافت رجلها حاولت تقعده وتشوف الحيه علي صدره قالت مات خلاص

فقامت تصيح فقالت ابيات








يازيد رد الزمل باهـل عبرتـي علي ابوك عيني مايبطل هميلهـا
اعليت كـم سابـق قـد عثرتها بعود القنا والخيل عجـل جفيلهـا
وعليت كم من هجمتن قد شعيتهـا صباح والا شعتهـا مـن مقيلهـا
وعليه كم من خفرت في غيا الصبا تمناك ياوافي الحصايـل حليلهـا
سقاي ذود الجار لاغـاب جـاره واخو جارته لا غاب عنها حليلها
لا مرخين عينـه يطالـع زولهـا ولا سايلـن عنهـا مستسيلـهـا




وبعد هالنصيحه وهالقصيده عرف انه ما في بالها احد وانها تحبه


وعلمها ليش انه حط الحيه علي صدره

فزعلت عليه يوم انها درت انه بس بيختبر حبهااا له

واقسمت انها ما تكلمه الا اذا كلم الحجر الحجر والعود يكلم العود

واحتار الرجل لانه الحجر عمره مراح يكلم الحجر ولا العود يكلم العود

ورجع للمراه اللي استشارها اول مره وعلمها باللي صار معاه

وقال له ما عليك الا انك تجيب لها الرحى وهذا يعني الحجر يكلم حجر


وتجيب الربابه واللي هي عود يكلم عود

وهذا عن يمينها واذا تبي ترجعلك ترجعلك

وجاب الرجال اللي قالت عليه العجوز


وردت المياه اللي مجاريها ..



منقوووووووووووووووووووول