محاورة بين طامي الرياحي ومستور العصيمي]

[عبدالرحمن الهيلوم]

السلام عليكم ورحمة الله وبركاته
اسعد الله جميع اوقاتكم

هذه المحاورة جرت بين الشاعر
طامي الرياحي
ومستور العصيمي

قبل سنه

وكان البادي طامي حيث قال





في البدايه هلا مليون بالحاضرين
من هجوس(ن) على المله هناديبها
العصيمي نعرفه من قديم السنيـن
لالقا النار يلحق فـي مشاهيبهـا



مستورالعصيمي




البقا يالمرحب والخوافي تبيـن
مامعك من علوم(ن) كلها جيبها
الله انه يعز الدين والمسلميـن
اشعل النار للشعار واكويبهـا



طامي




اصبر ايشوي ويجيك الكلام اليقين
ماحكم في البـلاد الا مناصيبهـا
غلطة الشاطر اللي كررت مرتين
العرب من وراها وش مكاسيبهـا



مستور




الله انه على كل القضايا يعيـن
واصبر اشوي ونصفي مشاريبها
وحده من يسار وحده من يميـن
واهل مكه بها وتعرف اشاعيبها



طامي



احمد الله ما ضيعنا مع الناس دين
اسمع العلم كان اذنيك توحيبهـا
حملوها الجماعه فوق جنباً متين
يوم عجز البعير شعيل يمشي بها



مستور




لاتقلطني الا فوق سمن وسميـن
من مشاء في الدير يعرف مهاذيبها
كلنا في بلاد الخير واحلف يميـن
ما سكنـا ديـاراً عاويـن ذيبهـا



طامي



مدنا ياولد تركـي بكـف اليميـن
ولمواقف ما نهمل ها ونصخي بها
دبلجوها وصارت شامةٍ في الجبين
وان بغيت الحقيقه فانت تحري بها



مستور



يالله اطلبك تكتبنا مع الصالحيـن
ما نبـا تالـي الدنيـا وتعذيبهـا
ادري انك على النيه وعندي يقين
لاتشيلك طيورك فـي مخاليبهـا



طامي




اطلب الله وتب لا الله مع التايبين
حيث الايام ما تومـن عواقيبهـا