قصيدة بمناسبة مزاين عتابه ..

[تركي نايف القبع]

السلام عليكم ورحكة الله وبركاته ..

مساكم الله بالخير ..
حبيت أشارك بمشاركتي الأولى في هذا المنتدى ..
وآمل أن لاتكون المشاركه الأخيرة ..

وهي مشاركة لأبناء قبيلتي بمناسبة مزايين الأبل ..
وآمل أن تحوز على إعجابكم ..

في مزاين طايلين الفعايل والشبور=محتمين عدودها في صفا قرهودها
صادق الوسمي عسى ماطره عجل البكور=في مداهيل العشاير وعد ورودها
إجتمعنا في حضور(ن) جبر عطب الكسور=ياهبوب النود هبي هبايب نودها
من بحور(ن) تصطفقبي على ساحل بحور=وتطرق رياح الخماسين ليّن عودها
من صناديق الضماير عباريد(ن) تثور=وقعها شال الضريبه وزم حدودها
ياسلامي في حضور(ن) مشاهيره حضور=لالمس قمع الرصاصه زند عبرودها
من ورى عوج النحايف مساجين الصدور=تقنب جياع الذيابه لبوح سدودها
دام كل(ن) معه رخصه توليه العبور=ربعي عتابه سلاطين نجد جدودها
يفتخر بفعولهم كل شواش(ن) فخور=من نطقها كلمة الحق يلقى شهودها
ماجحدنا فعل طيب ولانشهد بزور=وعرفنا وسع السعه ماتضيق لهودها
عارفين الذيب والنمر ونعرف العقور=ومن يمد الخمس بالصاع يلقى زودها
في سجل المجد بانين قبّه وألف سور=يومها بسيوف هند(ن) تقص عضودها
لا غطا عج الرمك صادق عيون السبور=وأرزمت سحج العشاير على مفرودها
بالرماح اللي تفج الثنادي والنحور=كم عقيد(ن) من عطبها سكن في لحودها
تشهد إنا نجد محوالنا سيل(ن) حدور=في الوعر يرمي عدفها على جلمودها
مانزلناها بجزيه وذل وقل شور=الولد يدري بمنزالنا مع عودها
عقب مركاض(ن) عجاجه غطا شامخ وقور=واسمن في شاهد الخد نـّي كبودها
عزوتن ترم العشا للحنادي والنصور=صوكهم منه العدا شايبن مولودها
هول يومن سوّ شره على العايل دبور=منه حدّت كل عذراء على مفقودها
النقايص روس شيخان ماطاح معثور=والقلايع في الأصايل وندّر ذودها
مرويت سيفن نثر دم صدر وخج زور=فوق شقر(ن) للمنايا علينا قودها
فعلنا في المستحيلات له منهج ودور=من جهل حاضر وماضي عليه نعودها
في ذرا حيينهم نهج من تحت القبور=ياهبوب النود هبي هبايب نودها

الشاعر / تركي بن نايف القبع الدغيلبي..