‏احذر بهـا صفـر العراقيـب تالـي،،قصيـده قوووويه لـ : ناصـر الـفراعـنـه ،،رداً على ..؟

[عامر بن صعصعه]

أول شـي بسم الله الرحمن الرحيـــم ..

هـذي قـصيـده جـديـده لـكـنّـهـا قووووووويـه عـن الـبـدو لـكـن عـز الله انه اكلها هـالحضـري الأجـودي بـلحيتــه ،، وجـاه شـرشحـه لا راحت ولا جت

والـقصيـده لـفـرعـون الـشعـر / نـاصـر ابـن فـارس الـفـراعـنـه ..


وسـبـب هـالقصيـده ..

كان زميل الـشاعر نـاصـر الـفراعـنـه رجّـال دوسـري يـقـال لـه : خـالد ابـن مـدعـث الـدوسـري وهـو شـاعر أيضــاً يدخن في مكان ممنـوع فيه التدخين .‏

ولم يكن يعلم بذلك

فجاه المسؤول عن هـالمكان . ‏وقال له بـكـل سـخريـه :

هذا أنتم يالبدو !!! ‏
نلقاكم عند هذي وأردى ..!!!!!!!


فليته نصحه عن التدخين وليته ترك البدو وشأنهم ومنذ متى والبداوة عيب يـا هـذا الـردي .... ؟


لقد حمدنا الله على نعمة الأمن والأمان . ‏والذي جعلنا أخوان متحابين . ‏

ولـكـن جـونـا هـالـجـحـلـط ( اللـي مبطي مالهم طـاري ) وهالحيـن بيتشيـخ بمرتبته ووظيـفتـــه ..

قـصـيـدة فـرعـون الـشـعـر : نــاصـر ابـن فـارس الـفـراعـنـه

و اللي ثارت قريحتـه بسبـت هـالكـلام الـشيـن يـقـول :

‏الله من قلـبٍ علـى مرتـع الخـور = ‏كنـه هشيـمٍ دمـدم العـود بـالـي
كني عضيض اللي مع الخبت مسعور = باقـي مـن المـدة ثـلاثـة ليـالـي
يكفخ بـلا ريـشٍ وينفـخ بـلا زور = ويكفيه عـن رد الجـواب السؤالـي
دنياك يا خالد على السـرج والكـور = ما تفجع الا مـن زحـول الرجالـي
تجبر عراوي الكلب والبـوم والثـور = ‏وتكسـر عـراوي طيّبيـن العيـالـي
تنـزل مقـام مخرّقـة كـل طابـور = ‏وترفـع مقـام مخرّزيـن النعـالـي
شاخت بها الأذنـاب لحّاسـة السـور = ‏سـود الوجيـه مبيّعـيـن الشيـالـي
فيهـا وليـد الـلاش عالـم ودكتـور = ‏ولقيطـة الحجّـاج حضـرة معالـي
وسلالـة الجـزّار مطـوة وساطـور = تأمر علينـا فـي العصـور التوالـي
فـان كان يـا خالـد معنّـى ومنجـور = ما احدٍ يا ابن مدعث من الوقت سالي
وانته عريـبٍ وافـي الجـد مخيـور = ‏يا صلب زايـد يـا كريـم السبالـي
أما معي تقطع مـن العـرق مشبـور = ‏والا قطعـت العـرق كلـه لحـالـي
روحي مثل روحك على سبق مطيور = مـا بيـن قولـة لا تجيـن وتعالـي
فكان الزمـان بحـدّة البـدو مأمـور = ‏يا لـوم قلبـي يـوم ينحـاس بالـي
ترى يخالد ما ورا الشـوف مذخـور = ولا احدٍ يهدّ الطيـر والقـاع خالـي
من عقب ما حنا ذرى كـل مظهـور = ‏علـى سـروج الصافنـات المتالـي
تنتف شواربنـا علـى غيـر مبـرور = ونشرب مرار ويشرب الغيـر حالـي
ياطى الثعـل هامـة ثمانيـن منعـور = والذيـب عـوّد فرْسـةٍ للرخـالـي
وولد الردي لا جاء على راس عنقور = يبلاك فـي نفسـه لـو أنّـك مثالـي
صيده ليا جابـه زريطـي وعصفـور = يوم النشامـى مـا تصيـد الهزالـي
بالهـرج عـدّة نابيـة كـل عثمـور = ‏والفعل مـا ملّـى صغـار السحالـي
يـوم انّ كـلٍّ إلْـه حيلـة ومقـدور = ‏جـداه كشخـة غترتـه والعقـالـي
ولدة حـرامن بـارد الخـد مقصـور = هيـسِ يكبّـر موخـره بالسمـالـي
سبوٍ جبو قدره مـع النـاس محقـور = ‏وش عاد لو عدّى الرجـوم العوالـي
خبلٍ يدوّر مـع قفـا النـاس ثغـرور = ‏والقفو مـا نـوّخ ظهـور الجمالـي
والعنز لـو ربـي رزقهـا بزمّـور = ‏مـا يحتميهـا مـن ذيـاب السهالـي
ومن لا يحوش الطيب والعمر = ميسور ‏ما يدركـه لـي مـا غشـاه الثفالـي
فياللـي تعذربنـا هبيـلٍ ومطـيـور = ‏أجْل البـداوة عيـب ؟ لا يالخمالـي
كان البداوة عيب ما نيـب مصغـور = ‏يا طيـب عيـب معطّريـن السلالـي
حنا البـدو أحـرار وآسـود ونمـور = ‏سيـفٍ يقـصّ مروبعـات الحبالـي
حنا البدو حنـا عمـى كـلّ مغـرور = ‏مـا حـنْ عيـال مضبّبيـن الدلالـي
يشهد لنا من حـدر الالحـاد مقبـور = ويشهد لنا في القـاع مـن لا يزالـي
حنا البدو سيـفٍ بالايمـان مشهـور = وتشهـد عليـه قصارهـا والطوالـي
لا نقطع الذمة .‏. ولا نشهـد الـزور = ‏ولا نتلب العانـي ليـا جـاك جالـي
ولا نقلب الملة.‏. ولا نطـرد العـور = ولا نسهج الشينـات وسـط المفالـي
ولا ننقل العجرا .. ‏ولا نطلب الغـور = ولا نلحـق الكـف اليميـن الشمالـي
ولا نذبح العجفا .‏. ولا نسبق الـدور = ‏ولا نطـرد المقفـي لشـدّ الرحالـي
ولا نزرع الصبخا .‏. ولا نحفر القور = ‏ولا نطرح الا من السمـان الجزالـي
ولا نعبد الرتبه ولو هـو امبراطـور = ‏ولا نهـاب الا عـزيـز الجـلالـي
ولا نخلف الهقوة.. ‏ولا نطلق الحـور = الا علـى طيـب وحافـظ ووالــي
ما نقطع الساقة .. ‏ولا نبعـج الشـور = ولا ندغـر القالـة بقـيـلٍ وقـالـي
ولا نبخس الكيلة.. ‏ولا نجحد النـور = ولا حِنْ من اللـي يكنـزون الريالـي
ولا نشعب الذلة ولا نخـاوي البـور = ‏زرق العيون ضراب شرْد السحالـي
ولا نضرب الطبلة.. ‏ولا نشحذ الكور = فضلـة عبيـدٍ للأكـابـر مـوالـي
ولا ندهل العِبْلة ولو طورهـا طـور = ‏والرزق في يـدْ مـن عليـه اتكالـي
حنا البدو يوم اكثر النـاس طرطـور = ‏ناطـى صمـا صمـيـم الجبـالـي
عشة,‏ولا قصرٍ علـى الـذل معمـور = ‏نلعـب عليهـا الهـمّـلا همّـلالـي
عشة تدوم ولو علـى سبعـة بحـور = ‏ولا قصر لا مالت بـه الريـح مالـي
حنا البدو يوم اشهـب الملـح منثـور = يامـا خزمنـا روسهـا مـا نبـالـي
رجّالنا في حومة الحـرب مسطـور = ورضيعنا مع ضرب الاشهب يلالـي
حنا على كبـد العـدو مـرّ ممـــــرور = وعلى الخـوي مـيٍّ قـراحٍ زلالـي
ما قد وِخِذ من حقنـا كبـر الاظفـور = ‏مير الدهـر خلـى الخفايـف ثقالـي
من خلقة الدنيا إلـى نفخـة الصـور = ‏والبدو أخَيْـر النـاس بـأول وتالـي
ذبّاحـةٍ يـوم اول الوقـت مذعـور = حمّايـة المَرْكـي نـهـار القتـالـي
فحولٍ وسادتنا حصـا كـلّ شنظـور = و لحافنـا بيـض النجـوم المـدالـي
ما نبدي الشكوى لخاطـر ومخطـور = ألا على الواحـد أحـد ذو الجلالـي
ولا نغبط الحاكم على حكمـه الـدُور = اليا رعينـا فـي الفيـاض الخوالـي
ياما حـلا سـوق المعاشيـر بقفـور = ونجم السويبع مثـل قـرن الغزالـي
في خايعٍ توه مـن الوسـم ممطـور = ‏نوّار عشبـه مثـل نقـش الزوالـي
إبْلٍ رعوها البدو مـع كـلّ دعثـور = ‏تسـوى شَبَحَـات الوجيـه المكالـي
روحك يا ابن مدعث على ريشة كرور = ‏احذر بهـا صفـر العراقيـب تالـي
وان عذربوها بأشقر الكنـت معـذور = ‏أغاديه يِذهب عن حشا الجوف صالي
وان عذربك من سِلْحة الناس مسمـور = ‏اشـرب وطـقّ مشقّـره لا تمالي
قبلك شرَبْه الجهْر ناصـر ومنصـور = وعضيب وعقـاب عنِـزَة والهلالـي
وشرب ازرق الدخان ماهوب محظور = العيـب زرع الهافيـة عنـد غـالـي
ابشـر يخالـد دام لــي دمٍّ يـفـور = ‏مانيـب مـن هـو قـال دوّر بدالـي
أمـا خذينـا حقّنـا واقبـل الـنـور = ‏ولا ترانـا مـن بـنـات الحـلالـي
ماني وانا ناصر بهـورٍ ولـد هـور = وانا الذي مـن راس عمـي وخالـي
فيالله في كونٍ مثـل كـون جمعـور = هشهـاش بـاروده سـوات الخيالـي
يصبح به الهافي عن العـز مكسـور = ‏ويصبح به الطيب علـى راس عالـي
ناخذ بـه خفـاف الموازيـن بالـدور = وكم راس نذلٍ عـن كتوفـه يشالـي
والنصر الى قالوا على الضد منصور = ‏ما هو علـى زعْلـة خـويٍّ قبالـي
وما قلّ دلّ وزبدة الـروض حمـرور = ‏والا كثيـر الهـرج مالـه ومـالـي

وســـلامــــتــكـــم

والـظـاهـر ابـو فـارس قـايـل هـالقصيـده والأعـصـاب مـعـه ( اتـش )

آخر تعديل عامر بن صعصعه يوم 01-Aug-2007 في 08:41 AM.

[أبو مرحبا]

أقدا فيه


قصيدة رائعة لشاعر عملاق لـ ناصر الفراعنه


الاخ عامر بن صعصعه


يعطيك العافية على النقل الموفق

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[ابوبجاد الرويس]

مشكور اخوي عامر

والله قصيدة رائعه وجزلــه ,,,,,,, وصح لسان الشاعر / ناصر الفراعنه

وهو صادق بكلامــه اللي بالقصيدة ,...

ولاهنت اخوي عامر ,,,,,,,,,,

[عامر بن صعصعه]

المشاركة الأصلية كتبت بواسطة أبو مرحبا

أقدا فيه


قصيدة رائعة لشاعر عملاق لـ ناصر الفراعنه


الاخ عامر بن صعصعه


يعطيك العافية على النقل الموفق

ههههههههههه والله انك صادق يبو مرحبا اقـدا فـيه ابو فـارس

ومـشكـور يالغالي على مرورك الـعطــر واللي نوّر الصفحـه

لاهنــت

((((((((())))))))))))))))(((((((((((((((())))))))) )))))))))))((((((((()

المشاركة الأصلية كتبت بواسطة ابوبجاد الرويس

مشكور اخوي عامر

والله قصيدة رائعه وجزلــه ,,,,,,, وصح لسان الشاعر / ناصر الفراعنه

وهو صادق بكلامــه اللي بالقصيدة ,...

ولاهنت اخوي عامر ,,,,,,,,,,

هلا والله اخوي ابو بجاد

لاشكر على واجب يالغالي ولاهنت على كلامك الطيّـب


تحياتي لـكـم

[طاوي الشوق]

الله يهديه حلل الدخاان بسبب العصبيه الزايده

هههههههههههههههههههههه


الله يهديه صح الله لسان الشاعر ناصر اشهد انه مهو بسيط

بس لو ماعصب

الا في هذي

قبلك شرَبْه الجهْر ناصـر ومنصـور وعضيب وعقـاب عنِـزَة والهلالـي
وشرب ازرق الدخان ماهوب محظور العيـب زرع الهافيـة عنـد غالـي

والله بلانا بالدخان بس لايصير بالمجاهره

وقول الرسول

كل امتي معافا الا المجاهرون

بمعنى الحديث

والله اعلم


يعطيك العافيه


ياعامر ابن صعصعه


تقبل مروري طاوي الشوق

[مخلف الهقاوي]

هههههههههههههههههههه

بيض الله وجهك ياابو فارس

مقدي فيه .. اجل(هذا أنتم يالبدو !!! ‏
نلقاكم عند هذي وأردى ..!!!!!!!)

لا يالهبيل..بيض الله وجهك يابن صعصعه

[عبدالعزيزالعصيمي]

مشكور اخوي عامر وبيض الله وجه ناصر الفراعنه

[عامر بن صعصعه]

المشاركة الأصلية كتبت بواسطة طاوي الشوق

الله يهديه حلل الدخاان بسبب العصبيه الزايده

هههههههههههههههههههههه


الله يهديه صح الله لسان الشاعر ناصر اشهد انه مهو بسيط

بس لو ماعصب

الا في هذي

قبلك شرَبْه الجهْر ناصـر ومنصـور وعضيب وعقـاب عنِـزَة والهلالـي
وشرب ازرق الدخان ماهوب محظور العيـب زرع الهافيـة عنـد غالـي

والله بلانا بالدخان بس لايصير بالمجاهره

وقول الرسول

كل امتي معافا الا المجاهرون

بمعنى الحديث

والله اعلم


يعطيك العافيه


ياعامر ابن صعصعه


تقبل مروري طاوي الشوق

مـراااااااااااااحـب والله يا ولــد قـحـطان .

الـرجّـال مـا حلل ولا حـرّم .. الـدعـوى ومـا فيـهـا زعـلان

والـزعـل يـسـوّي اكـثـر مـن كـــــذا صـح ولا لا

وبـعديـن سـوات الـمديـر اللي غلط على البـدو تـرفـع الـظغـط إذا بينصحه ينصحه لحاله أمـا انه يسب البدو كـلهـم ..

والـدخـــان صحيـح انه مضر بس ما يعذرب الرجّــــــــال

ولاهـنـت على مروركـ الـكريـم

-----------------------------------------------------------------

المشاركة الأصلية كتبت بواسطة مخلف الهقاوي

هههههههههههههههههههه

بيض الله وجهك ياابو فارس

مقدي فيه .. اجل(هذا أنتم يالبدو !!! ‏
نلقاكم عند هذي وأردى ..!!!!!!!)

لا يالهبيل..بيض الله وجهك يابن صعصعه

ووجـهـك ابـيـض يـا مـخـلـف الـهـقـاوي

وعـز الله انـك صـدقـت اقـدا بــهالكلـب اللي ما عنده شيمه و رجولـه عقب سواته

ولاهنت على مرورك العطـر واللي نوّر الموضوع وشرفنـــا

-----------------------------------------------------------------

المشاركة الأصلية كتبت بواسطة عبدالعزيزالعصيمي

مشكور اخوي عامر وبيض الله وجه ناصر الفراعنه

لاشكر على واجب يالعصيمي ولاهنت على مرورك

[عمر الراوي]

	ههههههههههههه عامر بن صعصعة تسلم ع المجهودالرائع تقبل مروري اخوك : عمر الراوي

[عامر بن صعصعه]

الله يسلمك اخوي ( ‘‘‘ عـمـر الــراوي‘‘‘ ) ولاهــنــت عـلـى مرورك العطر