تعال يالجذع وكلامك لا يطول

[علي فلاح العضياني]

تعال حضر يالجذع واذهن كلامك لا يطول=هات الكلام المختصر يا مشرف الاعلاميه
قبل امس عندك مشكله عسى لقيت الها حلول=شفتك تنشد لك طروش جايه من الشاميه

التوقيع

(( رأس الحكمه مخافة الله ))

[تركي البرّاق]

قبل امس عندك مشكله عسى لقيت الها حلول
شفتك تنشد لك طروش جايه مـن الشاميـه

طيب طيب صح لسانك يالفالح .. متابعين وبانتظار سلطاان ومتاااابعين ..,,

[سلطان الجـذع]

تنشد وسيع المعرفه واسمع جميع اللي يقول =هداج تيماء راهي(ن)يبهج كبود الظاميه
الطارش اللي من بلاد الشام غاوي وهبول =وصفت له ديره عفيف وراح للدماميه

[علي فلاح العضياني]

اخاف تال الوقت يمكن يختلف وسم الذلول=بعض الدعاوي حولها علامة استفهاميه
يا مخبل اللي ما نشد غير المهبّل والخبول=هو يحسب ان الخبل عن علمه يجيب اعلاميه

[سلطان الجـذع]

الحلف جمٌاع الرجال الطيبه مثل الاصول =والغصن ماهو منك لو حولك عروقه ناميه
مايعرف الشاعر وفي والا من اخفاف العقول =حتى تسمع حجته ثم تطلق الاحكاميه

آخر تعديل سلطان الجـذع يوم 29-Jun-2007 في 11:20 PM.

[المحيط الأطلسي]

المحيط الاطلسي يشجع اللي فوز منكم وإذا تسوايتم يشجعكم كلكم
عاشو عاشو

[علي فلاح العضياني]

الاصل يثبت والعلوم الباقيه دايم تزول=لو انها تبقى شهورٍ طوال ولا اعواميه
لا عاد تنشد يالجذع غير الرياجيل الزحول=ولا تحمد ربك الله وابلع الانعاميه

[سلطان الجـذع]

اللي نزل في كشب هاك الوقت عزك بالنزول =رد البرى ثم وٌرث العتبان ((نجد الساميه ))
ماني بجاهل فالجمال اللي يشيلن الحمول =لكن غرر بي قعود جاء بدون خطاميه

[سفر المقاطي]

صح السنتكم ولاهنتواااااااااااا

[عبدالعزيز بن جودان الرويس]

اللي نزل في كشب هاك الوقت عزك بالنزول
رد البرى ثم وٌرث العتبان ((نجد الساميه ))
ماني بجاهل فالجمال اللي يشيلن الحمـول
لكن غرر بي قعود جـاء بـدون خطاميـه


الفالح وسلطان الجذع عمالقه
صحت السنتكم وابدعتو
واصلو ا وانا في صفكم كلكم

التوقيع

godan3@hotmail.com