(شجرة الغردق)أول مشاركه.....

[بحر القوافي]

الآ واهني اللي خليٍ من الهوجاس=يسولف وهو مرتاح والنفس مسروره
أنا أبتمناء والمناء سيّد الأفلاس=ياليت الزمان اللي مضى ترجع عصوره
قعدت أترجاء والرجاء حال دونه ياس=وبقت علتي في داخل الجوف مسموره
حمسني زماني حمست البن بالمحماس=ولعبي مثل ماتلعب الناس بالكوره
وأنا مالقيت الصاحب الصافي الحسّاس=يشاركني همومي والأخبار منشوره
عرفنا الرجال اللي حريصه على النوماس=وعرفنا الرجال اللي من الخوف مذعوره
ترى الطيب سندا ماينوله ردي الباس=مايقدر عليه الأ حلاحيل ممروره
وترى شجرة الغردق تذرى وراها الناس=وهي شجرةٍ من بد الأشجار محذوره
مدام الفجوج وساع خلك رفيع الراس=لاترخي براسك يم الأنذال ودوره
تحكّم بعز النفس عن منة الأنجاس=ترى النجس هرج السوء يقرع بحنجوره.

.
.
.
.

وسلاااااامتكم.