على ذاك الجدار

[الغريب؟؟؟]

على ذاك الجدار اللي على حد البيوت الطيـن=
وقفت وهاجس الذكرى نفض في قلبي غبـاره =
وقفت أطلق مدى شوفي وأناظر مفرق الدربين=
وأشوف الدار وعيوني تضم الدرب وجـداره =
أجل هذا الجدار اللي سهر يوم العرب غافيـن=
أجل هذا الصديق اللي ذكرته وأذكر أسـراره=
أنا أذكر يوم يجمعنا يغطينـا برمـش العيـن=
نسج ليله وسوى به علـى عشاقـه ستـاره =
حجر لكن أحس انه يحـس بفرحـة القلبيـن=
أحس انه نفس لكن غدى جامد مـن أقـداره =
حجر يوم العرب تنسى اذا مرت عليها سنيـن=
حجر يوم العرب تنسـى حبيـب مبعـده داره =
ولكن الجدار اللي تركته مـن هـذاك الحيـن=
عرفني يـوم قابلتـه وبلـل دمعـي أحجـاره =
جلست وهاجت الذكرى وقلت بخاطري مسكين=
ثمان سنين في وحشـه ولاأحـد بيننـا زاره =
وفي ذاك المكان اثبت بأن الآدمي مـن طيـن=
تخيل يوم لامستـه تنهـد مـن شقـا نـاره =
سألني قال أنا أذكركم تجوني بالظـلام اثنيـن=
بكيت وقلت صدقني رحل وانقطعـت أخبـاره=