(( بالحق ماقسمه 22 **** 50 ماحتى تنقص علامه ))

[عبدالاله شلواح]

اخواني اعضاء ورواد منتدى عتيبه الهيلا

اهديكم هذه القصيده

واتمنى ان تنال اعجابكم

الشعر مات من القهر والدواوين=صارت كفن كل القصيد وكلامه
في شاطئ الراحه دفن والمعزين=فوجيهم شفت الاسئ والندامه
طعنة قفا ختله بها الناس دارين= ماهي مقابل بالوجيه وقرامه
ياكبرها على فراش السلاطين= ان كان خلوها تمر بسلامه
واذا انظلم ضيف الشيوخ الكريمين= ماعاد باقي فا الشهامه شهامه
يالشيخ ما حنا عن الظلم راضين= وانته جمل للحق وانته سنامه
للحق طلابه وللسيف حدين= وبراق حد السيف يجلي الظلامه
للعيد ليلة واضحه شوفة العين = بعد رمضان اللي كسبنا صيامه
وظلم القبايل واختلاف الموازين= اقوى من النفخه ويوم القيامه
حنا الشيوخ اللي تضد المعادين= من نجد هيبتنا تزلزل تهامه
شهرين والثالث كمل غير يومين= ويوسف ينادينا وحنا حزامه
جاب البيوت اللي تساوي ملايين= وفرض على كل الشيوخ احترامه
جاهد وكافح وانتصر يوم حطين=معقول يهزم في حروب الرغامه
كبر وهلل قبل رمي الشياطين= وغلق من الحجة وحلل حرامه
وللظلم في وجيه النذالاء براهين=والنذل دمه من عروق الرخامه
ويالجنة السبعه بعد عدت الفين= اقوى جناح الصقر والاالحمامه
بالحق ماقسمه اثنينه وعشرين= خمسين ما حتى تنقص علامه
وياكبرها على فراش السلاطين= ان كان خلوها تمر بسلامه

اخوكم
عبدالاله بن شلواح العتيبي