هذة القصيدة مهداة من الشيخ سعد بن زايد ابن ثعلي
الى الشيخ نائف بن فيحان بن ربيعان وكيل الفوج بالدمام
سلام عد مروحات الاساحيب = وعداد من صلي وصام ارمضاني
وعد النجوم العاليات المراقيب= وعداد من يقرا حروف القراني
ممزوجة بالكاد والمسك والطيب = على عقيد القوم زبن الحصاني
شيخ لنا عداء طوال الشناخيب = النعم اله مذخور فاول وثاني
من لابة يوم الملاقا عواطيب = بايمانهم يروون حد السناني
عدوهم يكوى بحام اللواهيب = ويرضي بحقران وذل وهواني
ماهم من اللي يلحقون المشاهيب= اهل الردى والمذهب القلباني
ولاهم من اللي ياصل الشك والريب= يرسون مثل الراسيات المتاني
تاريخهم يلقا بكل المكاتيب= بين القبائل من قديم الزماني
ذخرمحصن امطوعين الاصاعيب= يعطون عشر لمن يمد الثماني
واخص ابوفيحان رجل المواجيب = ياجعل جدة في فسيح الجناني
شيخ مجرب مايحاوج بتجريب = نائف ولد فيحان واسمه بياني
لاجلة نويت ارتب الشعر ترتيب = واذكرله الشكوى رفيع المكاني
ياشيخ انا فالوقت جاني عواقيب= وصبرت مار الصبر زود جناني
ياشيخ انا جيتك علية مطاليب= تكفي دخيلك ياعريب المجاني
وانته تحل معقدات اللواليب = وابغاك تفزع لي تري العمر فاني
وصلاة ربي عد ذار الهباهيب= على النبي عداد دق الثواني
« آخـــر الـــمـــشـــاركــــات »
24-Feb-2007, 11:31 PM
إهاد لشيخ نائف بن ربيعان
العرض الشجري