اول مشـــــــــــــــــــــــاركه.........

[المهـندس]

السلام عليكم,,,,,, اخوتي القراء هذه اول مشاركه لي في هذا المنتدى الرائع بمايحتويه من اعضاء ومواضيع هادفه...... فاتمنى منكم قبول مشاركتي المتواضعه واتمنى ان تدركوا موضوعها وشكرا..........


بســم الولي المقتـــدر عالي الشـــان @ ابـدى بنظـم القاف واحكم معانـــيه
قاف جـــديد ونـاظــمه ياكحـــــــيلان @ من كاسب شعره من افضال واليه
قاف نظمـــته جزل من غــيرعنـوان @ واباك تفـهم مقصــدي دون تنويــه
وانتـه على خـــبري فطـــين وفهمــان @ ويغني عن القــول المفصل مواريه
البارحـه يوم هجــــعت كـــل الاعيــان @ جفني عن المهــجاع اعلـن تجافيه
طرى عليـه حـــال بنــت فـالاوطــــــان @ تشكي على العقــال قــــدر لعب فيه
في وقتها اللي راح مع مـاض الازمان @ كانـت رفيــعه شــــان بالعـز تبنــيه
قدرن لها محـفــوظ عن كل نقصــــان @ بنت ربت في نجد وارجاء ضواحيه
عرفت وسمـع بصـيتها كل من كـــان @ بارض الحجـاز وبالشمــال وحراويه
وايضا تعدت لـين وصـلت لدسمــــان @ ولدار ابن ثاني وعمـت نواحــــــيه
ما ترضــخ الا مع طويليـن الايمـــان @ لاصخــروا معنى القصـيد وقوافـــيه
ياسعدها في وقت مطـــلق وسلطــــان @ تنـــعم بوقــت زايداتـــن حســـانيــه
واللـي يتابعـــها عوارف وشيبــــــان @ تحــلل المعنـــى وتعرف مبـــانـــيه
وكل على تاريخــــه يسوق برهــــان @ ويثبت افعــــاله ويذكــــر لماضــــيه
واليوم صارت صـيده الانـس والجان @ وكـل تعــــــدى يمها دون تدعـــــــيه
قيفانها صـــارت على لحـن فــــــنان @ لحن لنـــــجوى والشــواعر تغنـــيه
من عقب ماهي نقـض ثم فتل قـيفــان @ صارت تجاره للافنــدي مــع البيـــه
هذا وانـا ماني على الشعر سلطــــان @ لا شـك عــلم بــيح الوقــت خافـــــيه
وجه نظـــــر واظن ماني بغلطـــــان @ في وصفي الواقـع ولا احدن بنافيـــه
وختـــــامها صـلوا على نسـل عدنـان @ نبينـــا الي مكمــــــلن ديــــــن والـــيه