...
.
الله يمسيكم بالخير ...
هذه المحاوره جرت بين الشاعرين شاعرنا العزيز مرزوق العطاوي
والشاعر السيف >>>>> ابد ماهوب انا 
جرت هذه المحاوره في منتديات النداوي الشعبيه ...
تقريبا لها 3 سنوات .....
جاني على ضوءها الكثير من الرسايل وكلها تفسيرات وتأولات لمقصدهااا
ولكن كل هذه التفسيرات كانت بعيده عن المعنى ...
والاجابه عندي وعند خوي مرزوق العطاوي ...
اضعها بين ايديكم
....
مرزوق العطاوي
من هل العرف يكفي ياهل العرف الادنا=قلتهـا للجميـع وللجميـع المجـالـي
من يبا يستعد 0الهـا يقـوم0 وعددنـا=ودنا مثله الاعـداد فـي كـل حالـي
السيف (مرزوق العتيبي)
يالعطاوي هلابك واستمع ياولدنا= المعاني تقلّب بين مر ٍ وحالي
معك والله ماحنّا ذاخرين بجهدنا = لو بغيت الجنوب ولو بغيت الشمالي
مرزوق العطاوي
واصل السير قدم ولا تخالف وعدنا=المعانـي ثمينـه مالنـا بالهزالـي
كان ماتارد المـا مثلنـا لاوردنـا = انتبه للجابه زيـن قبـل السوالـي
مرزوق العتيبي
انت تعرف سعدكم مشترك مع سعدنا = عارفين القصار وعارفين الطوالي
الاجابه نقدمــــــــــــها لشخص ٍ نشدنا= والموارد لها عندي طويل الحبـــالي
مرزوق العطاوي
انت تعرف وانا عرف مير حنا وحدنا = للمهمـه وحدنـا مـن قديـم اليالـي
فى الوازم على الهقوات يالسيف زدنا = ماحترينا حضور ذياب والا الهلالـي
السيف
يالعطاوي سهرنا ليلنا مارقدنا = يومكم بالمنام اتوسعون الخيالي
اجتهدنا وجبنا الخير داخل بلدنا = ماحسبنا حساب اللي بصوته يلالي
مرزوق العطاوي
تسهرون الليالي مير حنا صعدنا= للعوالي عوالي للعوالي عوالـي
اجتهدتو وفيكم طيب لاكن يدنـا = من وركم ليا دار الرشا بالمحالي
السيف
...
لاتحاول تموّه بالمراصد رصدنـا = لعبتك لو تسوي لي حبيب ٍ وغالي
ماعلينا من الباقين حيـن اتحدنـا = نفعل اللي نريده بالذهب والريالي
مرزوق العطاوي
للحقايق نقدم علمنا ماجحدنا =علمكم يبن عمي علمكم يبن خالي
يعتمد علمنا العمده واله ماعتمدنا= قبل ساعتك تقلبها بوقت الزوالي
السيف
منكم الله يعوّض خير ويش استفدنا =مشكلتم تزيدون الحريق اشتعالـي
جمعكم يبتلش في جمعنا لا حشدنا= حاكمين السهول وحاكمين الجبالي
مرزوق العطاوي
انـــت مــاتــارد الابـعـدنــا لاوردنــــا = مــن قـديـمٍ وتـالـي مــن قـديــمٍ وتـالــي
جمعـنـا يعـرفـه جـــدك ويـعــرف مـددنــا = لاتـقــول الحـكـايـا زور ويـضـيـق بـالــي
السيف
لاحكينا تـرى ماتحكـي الا بعدنـا = ليه تزمر وانا حاسبك حسبة عيالـي
كـان زعلتنـا لازم تقبّـل ليـدنـا = =طيع شوري ترى مالك علينا احتمالي
مرزوق العطاوي
يحكي السيف لكن ويش يحكي وغدنـا = اصغر النجم بعيونـه يحطـه هلالـي
طق لكبر جبل قبلك زرعنـا حصدنـا =وانت تعدل لجمب وجمب يالسيف مالي
السيف
ابك حنا الحرار اللي ينومس هددنا = يومكم بالمجالس تكثرون الجدالي
وانت طولتها لكن وصلك نكدنـا = بعد ها تعترف وتقول ياهملالـي
مرزوق العطاوي
انت محمـود والازيـد والا حمدنـا = مايحامي محامي مختبي فى الضلالي
البلد دام عـزه فـي ولايـة فهدنـا = استلم والختام ازكى التحايا جزالـي
السيف
من كبار القبايل قبلكم مـا ارتعدنـا = كيف تبغى نخافك وانت سهل المنالي
بالفعول الكبيـره كلبوهـا انفردنـا = مير نزل سلاحك عن ظهور الجمالي
وسلامتكم
« آخـــر الـــمـــشـــاركــــات »
06-Jan-2007, 08:09 PM
مرزوق العطاوي والسيف ومحاوره ذات صدى
العرض الشجري