أحـــتــــرت بـــيـن أمــرين

[ماجد الهذلي]

أحتـارت الأفكـار والبـال مشغـول=أمشـي وأدور للنهـايـه طريـقـه
للفكـر والتفكيـر ميعـاد مجـهـول=لمـح البصـر بالثانيـه والدقيـقـه
جتني خطوط الأرض بالعرض والطول=ما عاد أفـرق بيـن حلـم وحقيقـه
يا موت حظي من سبايبـك مقتـول=الحـظ ميـت فـي بحـور ٍ غريقـه
أحترت بين أمرين على آخر الحـول=والصدر ضاق وجات فالنفس ضيقـه
بعد التعب وقت الندم جـاك مرسـول=وبعد الندم مافيـه شمـس ٍ شريقـه
أقـول للمعقـول وش فيـك معقـول=والوقت يجري مثـل خيـل ٍ طليقـه
ماني بعالم غيـب وأصـول وأجـول=الغيـب عنـد الله حبالـه وثيـقـه
ما فالعسـل للمـر بالطـب محلـول=والمـر دايـم مـر مـن يستذيقـه
تآرد علـي حلـول وأصّـدر حلـول=دقتهـا عكـس إتـجـاه المسيـقـه
والدرب عسر وسيف الأهوال مصقول=وجروح وقتي وسـط قلبـي غميقـه
عزمي جبل شامخ من جبـال كابـول=والسـر نفسـي بالمعـزة عريـقـه
الشـدة اللـي تآخـذ أيـام وتـزول=تجرح قدم رجلي وهـي مـا تعيقـه