الله ياواحدن معبود ياحي ٍ سميع ٍ عليم

[ابوجراح]

يا الله ياواحدن معبود ياحي ٍ سميع ٍ عليم=ياعالمن بالامور المبهمه في مغلقات الصدور
الخافض الرافع الباسط مليك الملك رب ٍ رحيم=ماياخذ العبد باسباب الذنوب ومعضلات الامور
وسبحان رب ٍ عظيم الشان في ذاته جواد ٍ كريم=ندعي ونرجيه ظلن في ظلال العرش يوم النشور
ياذا الجلالي وذا الاكرام يالدايم عزيزًا حكيم=بامره ولطفه يسيرن البواخر وسط هوج البحور
ولولا علينا تمنن بكرمه تهنا بليلن عتيم=ارسل علينا من الرحمه رسولاً معه وحي ٍ ونور
واخلاف هذا نبى ننشدك ياللي بالدعاوي فهيم=يامدعي بالمعَرفه وأن لك بين العواريف شور
يوم انك اتخايل اخيالاً مقفي راح سبق الظليم=تنحاه من مطلع الشمس الهبوب وحدرنه حدور
والله لو انك تخيله من ضحى لعصير جهدك عقيم=ما انته سليمان تجري الريح وتخاطب لسان الطيور
اهرج بكيفك على كيفك وشبريتك وسط البريم=وأن كان سليتها فاصبر على لطم الفهد والنمور
والناس قالو ترى العقل السليم ابكل جسمن سليم=وانته مريض الجسد والعقل مهما قلت فأنت معذور
انته كما اللي يبى يفرض على الريجيل نفسه زعيم=مايدري ان اليدين اتطول لا وصلت يديه النحور
وترى الزعامه لريجيل الزعامه كل حرن عديم=عزيز قومن يقود الضيف لقهوته دنين النجور
وكان الزمن زان لك تراه مثل الفي من تحت غيم=والعمر فاني وبين الناس دورات الليالي تدور
وان كان تبغى الحقيقه من يبى يسوي سواتك غشيم=ايطيح في يدين قومن يطحنونه مثل طحن البذور
ولا انته بمخلف خطايه لاتسير بدربها المستقيم=والله ماانته لي اكبر هم لو دمك بعرقك يفور
انا كما النجم عال ٍ مستواي وبين ربعي حشيم=ما ذل نفسي على درب الفضيحه لو زماني يجور
و انته كما الرعي فوق القاع تحت الشمس غادن هشيم=حتى البهايم تعافه ما يقشه غير عج ٍ يثور
بغيت فرقاك ومفاختك مثلك مايجي لي نديم=ليا زل شرواك عني .. يوم عيد ومن دواع السرور
انا اشهدن الذي رافق رجيحين العقول ابنعيم=ميرالبلى ان جاك خبل ٍ وامحطوطن مثل جسر العبور
ياشينها رفقة ٍ جمعهم ابليس اللعين الرجيم=تجمعو للردى والطيب مامروه حتى مرور
واللي يطالب سميحين النوايا دون حقن سقيم=مايدري ان اللذي ماهو لوجه الله يضيع ويبور
واللي يعامل نظيفين الضماير بالمخادع لئيم=خبيث واخبث من اللي فوقها حامت طيور النسور
والشعر عند العرب له منزله مصيون من كل ضيم=ماني بغاوي قطفت من المثايل مثل قطف الزهور
والرجل يصدع بصوته لاهرج والنقنقه للحريم=ولاطوع اركاب نفسه فاليال السود كود الصبور
الصبرسهمن رهيف الحد مثل ميتمات اليتيم=اصبر وخلك قنوع ولاتعد ايامها والشهور
فالرجل لاجا طويل السان يذري بين سين ٍ وجيم=مشفوح نفسن يبى يترك كما بيتن خراب امهجور
تبراه الايام لين يروح حاله مثل حال اليديم=يفداك حاله هوى فالجم يومن اجذبته السيور
واختامها بالصلاه الدايمه ومع السلام العميم=واعداد من يبعثون من المجادث يوم بعث القبور
واعداد مايبرق ويرعد خيال ٍ قام يردم رديم=اليا سقى ارضن بوبله وارجعت تمحى سنين العسور
واعداد ما يارد الميراد بالكنه عطاشا وهيم=على النبي الشفيع ابساعتن كل الخلايق حضور

[أبو نجر النفيعي]

.. ..

هنا الابداع وقّة الجزاله والاسلوب الرائع

والمفردات القويّه

ابو جراح ==> شاعر الهيلا

صح السانك يالبحر على هالجزله والرائعه

وننتظر جديدك بشغف


..

موووودتي ..

التوقيع

.....

[الأمــير]

الله ... الله

قصيده رائعه وجزله

من شاعر رائع


يستحق اللقب فعلا ==========> شااعر الهيلا


لالاهنت وبداع مستمر ان شاء الله

[مرزوق حمدان العتيبي]

...
.

صح لسانك ايها الجزل
...
دائما لتواجدك ميزه خاصه لاعدمتك.
...
.

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[السميــــــري]

..

والشعر عند العرب له منزله مصيون من كـل ضيـم00ماني بغاوي قطفت من المثايل مثـل قطـف الزهـور
والرجل يصـدع بصوتـه لاهـرج والنقنقـه للحريـم00ولاطوع اركاب نفسه فاليـال السـود كـود الصبـور
الصبرسهمـن رهيـف الحـد مثـل ميتمـات اليتيـم000اصبـر وخلـك قنـوع ولاتعـد ايامهـا والشـهـور


..

الله الله ..
ياشاعر الهيلا ..
استفردت يالمعاني الجزال ..
والالفاظ العذبه ..
لاعدمناك ..
دمت للهيلا..
صح لسانك ..

[الــوآفــي]

الله عليك يابو جراح


ابيات فيها الكثير من الامور والمعاني التي لا يعرفها الا شاعرها


صح لسانك مليون


لازلنا ننتظر جديدك دائما


اخوووك

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[بدر الغبيوي]

الله الله



ياسلام عليك ياشاعر الهيلا


صح السانك ولاهنت يالذيب


تحياااتي

[ابوجراح]

صح بدنك يالغبيــــــوي

ومشكوووور على المشاركه يالغالي

ولاانت امهان يالقرم

[نواف العصيمي]

انا كما النجم عال ٍ مستـواي وبيـن ربعـي حشيـم ...ما ذل نفسي على درب الفضيحه لـو زمانـي يجـور

الشاعر الكبير :. نوح بن صقر العتــــــــــيبي

صح لسانك

تضل شامخ وتتفرد بمعانيك . . لاهنت ياذيب


لك التقدير والإحترام

التوقيع

[خلف بن مرزوق]

....
...

انا كما النجم عال ٍ مستـواي وبيـن ربعـي حشيـم
ما ذل نفسي على درب الفضيحه لـو زمانـي يجـور
و انته كما الرعي فوق القاع تحت الشمس غادن هشيم
حتى البهايم تعافـه مـا يقشـه غيـر عـج ٍ يثـور


ابوصقر صح لسانك مليووون

دمت استاذا للشعر ومنهلا للحكمة

وللهيلا شاعرها

لاتحرمنا من مثل هذا الجماال


مــــــودتي

.

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn