الــــنـــشــــمـــــي مطلــــــــــــــــــــــوب (((اقلط يالنشمي))

[أبو نجر النفيعي]

ارحب

يالنشمي

ولي الشرف باللعب مع شاعر كبير بمستوااك

واستلم

الليله الملعبه تبغى صدور(ن) وساع=تحكم لي القاف ولا تخشى هجوم السباع
يالنشمي اقرب وسولف يا عزيز الطباع=والله يعين العرب ويديم هالمنتدى

يالالاله قوم يالنشمي وهات الزين كله=يالالاله وابعدو عني هروج اهل الرديّه
يلالاله فيه لغز(ن) يابن عمي ما تحله=يالالاله لو تجمّع عشرة(ن) من فوق ميّه

التوقيع

.....

[بن زهران]

صح السانك يابو نجر ولاهنت والله ابداع ابونجر والنشمي
واصلو وياابونجر ازهل الصف من دون قصور في النشمي
واصلووو الله يفقكم
تحياتي اخوكم

[علي الثبيتي]

ارحب يابونجر تراحيب المطر
واستلم

الملعبه طيبها من طيب شعارها= واهل الوفا والعوارف تحكم اشوارها
انا اشري الغاليه لوا زادت اسعارها= والله يعين العرب ويديم هالمنتدي
يالالاله عندنا سيف ن على الطاغي نسله= يالالاله والقويه مالها غار القويه
يالالاله والحقايق واضحه مثل الاهله= يالالاله كم نقطه للحروف الابجديه

التوقيع

ماني بلا روقي ولا برقاوي = انا ثبيتي جد روق وبرقا

[أبو نجر النفيعي]

المشاركة الأصلية كتبت بواسطة بن زهران

صح السانك يابو نجر ولاهنت والله ابداع ابونجر والنشمي
واصلو وياابونجر ازهل الصف من دون قصور في النشمي
واصلووو الله يفقكم
تحياتي اخوكم

ارحب

يابن زهراان

وصح ابدنك

والصف عامر بوجودك يالقرم

ولاهنت

[أبو نجر النفيعي]

تبقا

واستلم

انته عزيز(ن) عليّه.. يابن ثابت شجيع=وخاطرك وسط الملاعب يا رفيقي وسيع
لاكن فصل الشتاء بلعون بعده ربيع=والله يديم الوطن ويديم هالمنتدى

يالالاله سيفكم خله ودل الدرب دله=يالالاله ما نبا سيف(ن) ولا عدي العبيّه
يالالاله والمحل اللي تقوله مو محله=يالالاله مسكنه يا صاحبي وسط الحويه

[علي الثبيتي]

يابو نجر صف لي نيتك ياصاحبي= انته عتيبي من العتبان منت اجنبي
تراك يابونجر مكفول سد اشنبي=والله يديم الوطن ويديم هالمنتدي
يالالاله خلها تمشي على مذهب ومله= يالالاله مانباها بيننا تصبح قضيه
يالالاله واضح المكتوب وادري عن سجله= يالالاله ياعتابه فالعرب عاقل وعيه

[أبو نجر النفيعي]

الله علاك

استلم

انا احمد الله خضر قلبي ولابي خلاف=وانا عتيبي من اللي يحتمون الرهاف
وانته عكست الدروب وتحسب انها خفاف=الله يعين العرب ويعين هالمنتدى

يالالاله صب كيفك يا ولد من وسط دله=يالالاله وانت ما عندك قصور(ن) بالحميّه
يالالاله طايره من فوقها مابه مظلّه=يالالاله صارت العالم تسمّيها بليّه

[علي الثبيتي]

ابو نجر انا وياك تقول بدو يبون يشترون سياره من المعارض وجايين بعدصلاة الفجر

وش رايك نجلها بعد التراويح

[أبو نجر النفيعي]

المشاركة الأصلية كتبت بواسطة النشمي

ابو نجر انا وياك تقول بدو يبون يشترون سياره من المعارض وجايين بعدصلاة الفجر

وش رايك نجلها بعد التراويح

نجلها والله مرددددك

وعان ردي فووق لا يكوون ما شفته

وفي انتظااارك بعد الترااويح

[تركي البرّاق]

اااااااااااااااااااااااالله ااااااااااااااااااااااااااالله
كبااااااار واصصصصصصصصصصلوا والله يكثر من امثالكم





وانا في صف النشمي لاهان ابو نجر <---الاقربون اولى بالمعروووووف


تحياتي جميع