قصيدة ..(( خاصه لهذا المنتدى ))...ز

[فهد الغنام]

بسم الله الرحمن الرحيم ...

تحياتي محملة بريح المسك .... لجميع اعضاء هذا المنتدى الغالي على قلوبنا ...

اخواني هذه قصيدة .. اطرحها في هذا المنتدى وهي لم تطرح من قبل في اي منتدى ..

اخواني اتمنى من الجميع المعذره ... لان قصائدي ربما لا تكون كالكثير من القصائد التي تطرح هذه الايام في المنتديات .. وتحمل مفردات عصريه قد لانكون من المبدعين فيها .. بالنسبة لي حاولة ان اكتب قصائد بالفاظ عصريه سلسه وجميله كما هو موجد ولكن لم اوفق ..

واحببت ان اعود لقديمي ... وعلى قول المثل (((( قديمك نديمك ... لو الجديد اغناك )))) فليعذروني الشباب على الاقل ...

((( يا صاحبي )))

يالله يا اللي للمزن دوم تنشي = ومنزل(ن) منها حقوق الرشاريش
يا رازق الطير العمى وسط عشي =يا قادرن تحي الفياف المعاطيش
تفرج لمن جفنه عن النوم كشي = وكن السمايل بين عكف المراميش
أيضا وكن اعروق قلبي تحشي = حشت نباتن يوم جوه الحشاحيش
أحد(ن) ورزقه يا ملا ما يخشي = لو يزرع التنباك برضه نبت عيش
وأحد(ن) لونه يملك البحر نشي = وإن جاه رزقه يا ملا جا تناتيش
يا صاحبي وان جاك هرج(ن) ملشي = لش الهبايب يوم تلفق لها ريش
اخذ الصحيح وخل عنك الموشي = ولا يتبع النمات غير الهشاهيش
ماني من اللي وان قضب سر يفشي = وينقل كلام الناس في لحظة الطيش
عقلي رزين وبالحيّل ما يغشّي = وحب الامانه بالعروق النشانيش
رجل(ن) إلى جيته بوجهك يبشي = ويضحك احجاجه يوم يلفي مطاريش
ورجل(ن) رزيل ومجلسه ما يدشّي = ولا يكرم الضيفان خطو الدراويش
لو تنشده يافلان ويش متعشي = ما قاللك راع الردا غير مدريش
الناس فيهم من يهش وينشي = وفيهم رديّن خايب(ن) ما يساويش
تم الكلام اللي نظمته على اشي = أيضا وقيّفته على قافية ايش

اخوكم ..... فهد الغنام الشمري