واحد من عتيبة بس يحشر شيوخ مطير في القصة والقصيدة المشهورة

[فرناس]

مساكم الله بالخير

هالسالفة مشهورة ومعروفة عند كثير من الناس ودونتها الكتب

والله ماطرى علي كتابتها لين شفت رد واحد يباذم بالعلوم ويمدح نفسه بالتسذب ولا والله ان القبايل كلها عزيزة ومحشمة لكن يجي واحد يقوم يخربط على حساب عتابة لا معصي يبا يهايط يروح لامة يهايط عندها لايجيني هنيا ويقوم يقلب التاريخ ويقول فضيحة وفضيحة والفضيحة صدق هالسالفة اللي واحد بس لحالة عند اباعره لعب في شيوخ مطير وانحاشو ذالين منه هذي هيه الفضيحة الصدق


القصة والقصيدة

شافوا المطران اباعر ماعندها غير خيال واحد لانهم لاصارو واجد اكثر من واحد من العتبان لازم ينادون حرب وقحطان تفزعلهم بس يوم شافوه واحد طمعوا فالبل هم يهجمون علاه لاوالله يوم شب فيهم كل شوي ناطلله راس رجال منهم ويوم شافوا هالبلوة صارت الطمعة هالحين فالحياة مهيب فالبل هم ينحاشون يبون السلامة ويوم شافت مويضي بنت ابوحنايا البرازية شيوخ مطير هاجين من هالفارس واقبلوا على ربعهم قالوا يالله شدينا شدينا لافيه قبر قريب يروحوله ويطلبون الفارس بسم راعي هالقبر والطماعة صارت فيهم عقب ماكانوا طامعين في البل هي تنشد عنه قالوا هذا مخلف من الدغالبة قالت

واديرتي عنها مخلف حداني=حدي الضوامي عن بيار بها جم
واحــــــــد وخلا الــدم بالقاع قاني=وابوي لوهـــو لاحق له ولد عم
اليا انتحى من فوق بنت الحصاني=الخيل مــــن خوفــــة تفرق وتلتم
خلا شيوخ مطير مثل السماني=اهل السيوف اللي لعافيظها دم

هذا واحد بس ياللي تسوي من عندك تاريخ تسميه فضيحة والفضيحة والله هالقصة واحد بس انحاشوا منه شيوخ

[! محتميها !]

تحيه عطره


فرناس


مرحبا ومسهلا فيك يالغالي


ما قصرت وبيض الله وجهك


ومثل هالسالفه يفتخرون فيها عتيبه كاااافه


وهذا واحد من فرسان عتيبه ومثل ما قلت


لو انهم محصلين اكثر من فارس لازم ينادون معهم قبائل التحالف المعروفه ( حرب + قحطان )



لكن عتيبه قدها وقدود



لا هنت يالقرم وفي انتظار المزيد من علومك


وتقبل خالص تحياتي

[عكاش]

مشكور على هالقصة المعروفة عند الناس كلهم

[رويشد المورقي]

مشكور على هالقصة المعروفة عند الناس كلهم

[فهد النفيعي]

لاهنت على القصه اللي تنومس والله يا الذيب وعتيبه كلها فرسان من اصغرهم الى اكبرهم ولافيهم صغيــــــــــــر

[فيحان بن فياح]

لاهنت يالحصان على القصة اللي تنومس ومن غير قصور في القبائل الأخرى ..

تحياتي

[مشعل المطيري]

والله شى مضحك


اذا نفس القصيده موجوده فى قصه اخرى بنفس المنتدي

http://www.otaibah.net/m/showthread.php?t=11749

وهذى وصلت الموضوع


اتمنى من الاخوان الباحثين انهم ينتبهون للاشياء هذى ومايخلون كل شخص يكتب الا لما يتاكدون من مصدرها وصدقها وسالفتها شنو بالضبط
هذا تاريخ لازم الواحد يراعي فيه

والله يعطيكم العافيه

[فيحان بن فياح]

حياك الله يامشعل المطيري

ونعم فيكم يامطير ولافيكم قصور

أنت أتيت برابط القصة ولم تأتي بشيء جديد
اللي في الرابط
ذكرها الكاتب عكاش ورد علية الكاتب بن مشيب
وهي نفس القصة اللتي هنا واللي في الرابط كلها واحده

ماجبت شي جديد أخوي مشعل

ومرة أخرى أقول لك حياك معنا يامشعل ونعم فيك وفي ربعك

تحياتي

[فرناس]

مالومك يوم تضحك واحد بس يحشر شيوخ وربع هالشيوخ يولفون شخاميط واخرتها واحد بس فاقع قلوبهم اي والله اضحك

والرابط اثبات على ان هالقصة مشهورة وانا ماقريت اللي كتبه عكاش وابن مشيب من قبل بس ذاكرينها بقتها وقصيدتها نفس اللي قلته

الفارس مخلف الدغيلبي لحاله بس يحرش شيوخ وفرسان من مطير

[ركوان الغبيوي]

لاهنت لاهنت لاهنت لاهنت لاهنت لاهنت لاهنت لاهنت لاهنت لاهنت لاهنت لاهنت لاهنت لاهنت لاهنت لاهنت لاهنت لاهنت ياااا يا فرنااااس يا خشم ابوي الي ما ينزل الا لسجده لربي سبحااانه وتعالى ولاتحرمنااا يا قلبي من مواضيعك الي نفس هذيا