®~°¤§ العيطل الأدماء §¤°~®

[نايف العبيد العتيبي]

السلام عليكم والرحمة


عندما تجبرك الظروف بان تكون سعيداً

أي تكون هناك مناسبة عابرة كعيد او فرح .....

وأنت في الحقيقة لست سعيداً

فترى الناس من حولك يضحكون ويبتسمون

وصخبهم يخدش مسامعك وانت تكاد تكون في دوامة

تنتظر المغترب البعيد .............

متى سيأتي

ليعيد لك نقاءك وصفاءك

والوانك الباليه المعتمه


اليكم هذه الاهزوجة ........

لعيون شقراء تغيض الغيد=أفخت روحي من زناده
قلاده من الماس حول الجيد=ياليتني بجيدها قلاده
ياراكب اللي يدك البيد=بوق الخلا غاية مراده
راسي على الخط مثل الحيد=كل ماانشخل مال عداّده
أوصيك لاتباشر التنديد=لاتروّع الزين برقاده
بلّغ سلامي لعنود الصيد=يمّتى تجي طوّل بعاده
الكل يفرح بيوم العيد=وروحي من الشوق وقاّده
المضرحي مارضى بالقيد=يوم الصواريم هداّده
وألاّالظليم إحتمى بالميد=وتحت الدعص يختبي عاده
لوّن هوازن تناسى (( دريد )) =وتنسى فعوله مع طراده
وتنسى الخمر سالم العربيد=اللي جلى وفاخت بلاده
الفارس الشاعر الصنديد=العاشق اللي ترك زاده
والقسورة ترضى بالتعريد=حيث إنها دوم صياده
والورق تستنكر التغريد=وجول القطا يعاف ملباده
ماانساه لو الجفى بي يزيد=والحظ لو جاد بعناده
يفداه من باشر التهديد= بغزو العرب تكمل أعياده
اللي طغى وحارب التوحيد=يخزيه ربي مع أنداده
عهد المغول إبتدأ من جديد=و (( هولاكو )) عوّد لبغداده
ماريد أنا غيرها ماريد=عيطل وأدماء ومياّده
ياغنج (( هتلر )) يامكر (( الفريد )) =يااجرام ((صداّم )) باكراده
ياروز ياتوت بشط (( مدريد )) =مذكور باشعار (( ولاّده ))
يا اسوار (( كسرى )) لامدّ الإيد=في معصمه يلبسه عاده
كشحٌٌ ٌ ممرّد بقصر إخشيد=ياإخلاص (( رومل )) لقواّده
وجل خجل عاتقُ ُ عنيد=ياعنادِ فرعون واوتاده
ديمومةٍ خلتها من بعيد=يامزون يابروق رعاّده
ياغربتي غربة ابو زيد=بدار الزناتي مع أضداده
كانه نوت تنتحي لبعيد=برثي الهوى واعلن احداده

دمتم بود




.

[فواز الشيباني]

صح لسانك وسلم بنانك

الله يعطيك العافيه
ولاهنت

[فيصل المسعودي]

أول شيء وين الغيبات


يالغالي


صح لسانك


على هالرائعه


في إنتظار جديدك


يالغالي


تحياتي

[فيصل القثامي]

صح لسانك

هلا وغلا أخوي نايف

قصيدهـ رائعهـ

وانت اروع

اتمنى لك التوفيقـ اخوكـ : يصل القثامي

التوقيع

[المغيـــــري]

السلام عليكم ورحمة الله وبركاته

صح لسانك وسلم بنانك


مشكور على هذه القصيده الرائعه بل اكثر من رائعه

و تقبلوا مروري

وشكراً

/\
/\
/\
/\

[نايف العبيد العتيبي]

فواز الشيباني

/

صح بدنك ولاهنت يابعد راسي

دمت بود



.

[مشعل بن حويد]

نايف

يالله حيه

صح لسانك يالغالي

رائعه من رائع

سعداء بتواجد بالهيلا

دمت بود

[خلف بن مرزوق]

000
00


الوسم

حرفنة شاعر قدمت لنا هذه الاهزوجة

صح لساااانك ودمت للاثرا


وشكرا لحضورٍ هكذا


مودتي

.

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[نايف العبيد العتيبي]

فيصل المسعودي


/


صح بدنك ولاهنت يالقرم




حضورك المشرف اسعدني




دمت بود




.

[ابـن نـعـيـس]

صح لسانك وسلم بنانك


رائعه


تحيااااااااااااااااااااااااااتي

التوقيع