مقلع طميه

[{{ الـــــمــــرشـــدي }}]

صاحبي حط فيني مثل مقلـع طميّـــــه = يوم شدَّت تبي القطـن وقفَّت وراهــــا
انحفـر قـاع قلبي ما بقالـه بقيـّـــــــــه = حين قفَّت عنود الصيد تتبع وراهــــا
عزّتـي للّـذي مالـه بها مقدريّــــــــــه = لااقبل الليل عيني صار جاها بلاهــا
واعذاب المعنّى حين يطـري عليّـــــه = ريم وادي حنيفـه دمعتي هل ماهــــا
ياهل الشعـر ردُّّوا جاوبونـي بنيّــــــه = واحْذروا من ملالي لاتزيدوا عناهــــا
هو متى اللّي تريد العزفي كل هيـّــه = والبلا وَقْْْْْْف حظّي قصَّرت به اخطاها
يا شيـوخ الجزيره يا رجال الحميـّــه = من تضَيْم لديكـم افزعوا له بجاهــــــا
وين شيـخٍ يطالع في ملفّ القضيّـــــه = ابْتغانـم حياتي قبـل يدنـي وفاهــــــــا
ان توجّه لي اكبار الشيـوخ الوفيّـــــه = فاعتبرنـي بعيطـا ماحدٍ قط جاهــــــا
حالفٍ من تسبّب لا اشترى له ضْحيّه = كل عـامٍ على دَيْنٍ نسـدد وفاهــــــــا
انْ حصل لي وليفي اشهد انْ ما عليّه = طاب كيفي ويا محلا حياتي معاهـــا
ونْ تردّى نصيبي فاكتبوا لي وصيّه = سامحٍ من حياتي مع مشاكل غثاهـــا

[الفراهيدي]

صح لسان ولسان قايلها

لاهنت على النقل

تحياااااااااتي

التوقيع

AL-frahedi@hotmail.com

[((الدلبحي))]

صح السانك والسان صاحب القصيده

ماقصرت

تحياااااااااااااااااااااااتي

[غشام نجد]

صح لسان ولسان قايلها

لاهنت على النقل

تحياااااااااتي

[{{ الـــــمــــرشـــدي }}]

الف شكر لجميع من مرو على الموضوع

وتقبلو تحياتي.........

[ابـن نـعـيـس]

الـــــمــــرشـــدي



صح السانك ولسان قايلها



تحياااااااااااتي

التوقيع

[النمر الروقي]

صح لسانك يالمرشدي ولسان قايلها

قصيده جزله وتستحق النقل .. وعلى طاري ( طميه ) حبيت انقل قصيدة

للأمير الفارس راكان ابن حثلين مع اختلاف المعنى والمناسبه:


يا فاطري خبي خرايم طميه

اليا شمخرت مثل خشم الحصاني


خبي خبيب الذيب في جرهديه

اليا طالع الزيلان والليل داني


خبي طميه والرياض العذيه

وتنحري برزان زين المباني


أزور اخو نوره لزوم عليه

قبل الحبيب وقبل عالي وداني


والى قضيت اللازم اللي عليه

اللازم اللي ما قضاه الهداني


احط الجدي فوق ورك المطيه

وافرق ايديها عن سهيل اليماني


نبغي نسير لديرة العسوجيه

ريحة نسمها كالزباد العماني


ولومي على الطيب ولومه عليه

وراه ياخذ عشقتي ما تناني


ليته صبر عامين والا ضحيه

حتى يشوف لغربتي ويش جاني


اما قعد راكان بالمهمهيه

ولا يجي يصهل صهيل الحصاني


روحي وانا راكان زبن الونيه

ما يقبل العقبات كود الهداني

[{{ الـــــمــــرشـــدي }}]

الف شكر لجميع من مرو على الموضوع

وتقبلو تحياتي.........