أم ترثي ولدها بقصيده تهول رماريم العقل

[جح للبعارين]

بسم الله الرحمن الرحيم

هاذي القصيدة لوحدتن من هل الكويت المهم محمد ولدها راح مع ابن صباح والاربع طعش قبيله اللي تقابلوا مع شمر واهل حايل وغلبتهم شمر المهم كان مع اهل الكويت واحد اسمه قرينيس اول من دخل الكويت من المنهزمين وراحت ام محمد يمه تنشده عن ولدها لكنه فاع عليها ورد عليها رد اقشر ضيق صدرها وهذت هالقصيدة اللي تهول رماريم العقل :

قلت آه من علم لفى به قرينيس = ياليت منهو ميت مادرى به
علم لفى به مرس القلب تمريس = والنار عجت بالضمير إلتهابه
والنوم له عن جفن عيني اماريس = والحنظل المذيوق زاده شرابه
نصيت بيته وقلت له ياقرينيس = وين الحبيب وقال ماعلمنابه
علمي بهم مدوا على ضمر العيس = واليوم مدري اي خب لفى به
اقفى مع البيرق لحرب السناعيس = وان سلمه والي المقادير جابه
ودليت من كثر البكا والهواجيس = دمعي كما وبل نشى من سحابه
يالله يافكاك حبل المحابيس = إنك تفك محمد من صوابه
بجاه محمد ويعقوب وادريس = وأرجي من الله طلبتي مستجابه
وعداد ماهبت هبوب النسانيس = على النبي صليت هو والصحابه