النور مايعجبك ياذيب سرحان, خالد العصيمي وسفر الدغيلبي

[االفيصل]

خالد العصيمي


على رفيقي سفر ماني بزعلان=لكن الاجواد لا يبحث خفاها

اليا لقي فالبحر لؤلو ومرجان= الأرض فيها كنوزٍ مالقاها



سفر الدغيلبي


امسي وصابح على شرهات عتبان=وعتابه اعنادها ماينتضاها

لوابه شمسٍ تنور بعض الأكوان= يمدي وصل نورها ولا سناها



خالد العصيمي


كثرت حذف الحصى ماصبت حمدان=وتعبت يمناك وشرهه علاها

النور مايعجبك ياذيب سرحان= تبغى الغداري وتسري في ذراها



سفر الدغلبي


انا احذف القوم ماحذف ربع واخوان=ولا المفتل تثور في خباها

ظلمتني ضلم فوق حقوق الأنسان= ومن يظلم الناس لايأمن غثاها



خالد العصيمي


ماني براعي كلام بدون برهان=يا صاحب القوم لاتشقر عصاها

اهل اليمن عندهم خوخٍ ورمان= والشام من دونها النار اوراها



سفر الدغيلبي


انته بعيدٍ عن الهيه ولاكوان= في غرفةٍ وجهها كنه قفاها

وش يقصر ايداك ماتاصل للأغصان= ونته عتيبي ليا وصلت حماها



خالد العصيمي


الحي ماكفنه في بيض الاكفان=وعلومك الثانيه تلقى جزاها

ان طال عمرك تشوف اطوال اليمان= اللي تشب الحرايب وتحزاها



سفر الدغيلبي


الطيب إجيبها مشعٍ بذرعان= ولا القصيره تنادي لقصراها

نيتك يمكن تدفك في خبر كان= اغسل سريرتك من زمزم وماها



خالد العصيمي


ماني بضميان ونته منت ضميان= الناس عد الروى يقطع ضماها
_____________________________________________

[عبدالملك القاضي]

الله الله
محاوره رائعه
نقض وفتل من الطرفين.

الله يعطيك العافيه على النقل يالفيصل.

[االفيصل]

المشاركة الأصلية كتبت بواسطة عبدالملك القاضي

الله الله
محاوره رائعه
نقض وفتل من الطرفين.

الله يعطيك العافيه على النقل يالفيصل.

الله يعافيك اخوي ومشكور على المرور على الموضوع

[سعيد مرزوق العبد]

العصيمي شاعر متمكن وسفر مايحتاج مدح

[االفيصل]

المشاركة الأصلية كتبت بواسطة سعيد مرزوق العبد

العصيمي شاعر متمكن وسفر مايحتاج مدح

خوي سعيد مشكور على المرور والإطلاع

[االفيصل]

مشـــكورين علـــى المرور