بالسوق لابس كعب عالي

[حمود العازمي]

بالسوق لابس كعب عالي




يالله بأسمك تعالى الواحد الوالي
ببدي قصيدي وغيري مايسوونه
دخلت سوق الذهب شين على بالي
والشي ماشفت لاشكله ولا لونه
شفت الذي منه كل الناس تهتالي
فيه النظر يكفي العاشق ومكنونه
شفته صباح الأحد لابس كعب عالي
والثوب الأحمر ياحظ اللي يخيطونه
جنب وشرق وعيني دمعها سالي
من حر ماشفت فيه ونظرة عيونه
الناس قامت تناظر أول وتالي
صوت الكعب في بلاط السوق يوحونه
في مشيته كن مستعجل وختالي
ياهل القلوب الرحيمه لاتفكونه
بغيت أحاول معه وأعطيه جوالي
لكن خوفي من الله صار من دونه
من دون مكياج كنه برق وخيالي
وشلون لو يبتسم تضحكلي سنونه
ياويل قلبي عليه وهمي بحالي
ماعاد ينفع كلام اللي يقولونه
فات وتعدى ماعاد الفال من فالي
ياليت ربعه عن الروحه يردونه
من شان لايصيب قلب أخضر وفتالي
يروح فيها ضحيه لين يبكونه
العطر فواح ريح الورد وأنفالي
لو يعرفه مهتوين الحب يشرونه
الجسم مثل الغزال دقاق وجلالي
الخصر والصدر زينه لاتهضمونه
والله لو عندنا بالحاره قبالي
لأرسم على البيت صوره لو تعرفونه
تقول نور القمر في لحظتة زالي
والناس من قدرة الله صار يدعونه
من لامني في هوى بالي وغربالي
مدري وش الزين مدري وش يسمونه
الخطوه اللي مابين قصار وطوالي
مع دقة القلب يعزف كامل لحونه
ليته تكلم بصوته لين يهنالي
ليته مشى معي في ممشى على هونه
ماعاد فيها كلام وحكي وجدالي
حظ ونصيب وكثير الناس يرضونه
كنت أتمنى لقاه أيام وليالي
لكن أمانه مشاعر حب تهدونه
أكيد جالس وقلبه داله وسالي
ماهو بداري وش الحاصل ومضمونه
الله يسامحك يامجمول ياغالي
وشلون ترسل هموم القلب وطعونه
ماعاد يمديني أطرح كم سؤالي
ولا السلام عليكم كان تعطونه
مريت كنك غريب وجيت مرسالي
لأجل مطاليب حق وصرت مديونه
جاني وأنا منبهر في وقت قتالي
تقول أنا موعده والوقت يدرونه
قمت أضبط عمامتي وأصلح عقالي
ماودي الناس من زينه يشوفونه
حاولت أوضح ضروف الوقت وأحوالي
تقول حلم أرسمه وأفسر ركونه
ليته ولد عم ولا يقرب لخالي
مدري من أيا عرب بأسمه ينادونه
يالله ياللي علينا ستر وضلالي
أنك تحفظة من الشيطان وتصونه




الـشـاعـر : حـمـود عـبـيـد الـعـازمـي