ديوان تفكيري

[ابن سلوم الهيلوم]

الصاحب اللي ماترك دربي بحجه مفتراه
00000000رغم الحياه اللي تلاشا في غيابه نورها

لازال قلبي حافظ حبه بسره وجهراه
00000000ويعيش ذكرى ماتحمل واقعي دستورها

خلي نبت ثلثين من جسمي بقربه ثم براه
00000000وخلا سنين الصد والحرمان تلعب دورها

ارفع كفوفي مع شروق الشمس بجبال السراه
00000000واقول ياليته يجي مثل الشروق يزورها

يمكن يفكر في الوليف اللي على الجمر احتراه
00000000ماهمي الا اعد اسابيع السنه وشهورها

وارتاح من شوف الجدار اللي بعض عمره وراه
00000000واشوفه اغلا من فلل كل المدن وقصورها

كله على شان الليال اللي قضاها في ذراه
00000000يالله دخيلك من صواديف السنين وجورها

ليته فتح ديوان تفكيري وقلبي ثم قراه
00000000حتى يعرف انه هو العله وهو دكتورها

ياسلوة ايام وسنين العمر حالي لو تراه
00000000يجرح محبيني وعدواني يزيد سرورها

ماطاع قلبي قول عذاله ولا طاع شوراه
00000000الله يعوضني بجنات النعيم وحورها

وسلامتكم

[عجاب الدغيلبي]

الهيلوم صح لسانك على هذه الرائعة
لقد لفت انتباهي قافية الصدر مربوطة على ثلاثة أحرف
وهذا أضاف للقصيدة جمال زوداً على جمالها الأساسي
صح لسانك مراراً وتكراراَ تقبل مروري
تحياتي لك

التوقيع

الأطلال تحكي سيرة الحب للعشاق=ماتنسى مادام إن المعالم توضحها ليا شفتها سبحت للواحد الخلاّق=عقود الزمن ماغيرت من ملامحها عجاب الدغيلبي

[عثمان الثبيتي]

ياسلام ياسلام الله يالابداع والفكر الراقي
لله درك الف شكر على هذه الرائعه

ارويتنا شعر

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[ابن سلوم الهيلوم]

اخوي عجاب صح بدنك
شكرا جزيلا لمرورك
المؤقر تحياتي لك

[ابن سلوم الهيلوم]

صح لسانك اخوي عثمان
شكرا لمرورك المميز تحياتي
وتقديري لك