مابين كلمه بالسان وبين معنى بالضمير

[عبدالله الازوري]

مابين كلمه بالسان وبين معنى بالـضميـر
الشاعر اللي يعترض قدامي الله يرحمه
الله ياكثر السكاكين اللي في وسق الــبــعــيـر
وعلى ماقيل ماهو كـل راس بيـضه بشحمه

آخر تعديل عبدالله الازوري يوم 07-Feb-2012 في 12:23 AM.

[صقر نايف العتيبي]

مابين نظره ب العيون وبين فكرن مستدير=فرقت مابين النفوس الكافرة والمسلمه
بعض الطعون اليا انزلت ماتنزل الا ف الضرير=ولا الرجال اهل النظر تبقى لحاها مكرمه !

آخر تعديل صقر نايف العتيبي يوم 07-Feb-2012 في 12:38 AM.

[عبدالله الازوري]

الا ياصــقــر ابمــــزح معــــاك يـــــاخــــي الـــصغير
واللي من قول المصطفى واللي من طبع امسيلمه
بعض الحقايق يا صــحيبــي قــــادهـــا سلك الحرير
ومن يسعى وراء سود اللـــــــيالــي قالوا تفــــحمه

[سعود بن سعد الحافي]

الله الله

ابداع و رد جزل

صحة السنتكم

ولاهنوا

[عبدالله الازوري]

صح الله ابدنك يالحافي ومرور من مثلك وشرواك شرف
يعطيك العافيه

[صقر نايف العتيبي]

اليا بغيت اتميل الدعوى ترى فيها مدير=دام الأدارة كل جاهل ف النظام اتعلمه !!
نمشي على سلك الحرير الين نلقالك مسير=والنور لامنه ضوى / يجل الليال المعتمه !

[صقر نايف العتيبي]

المشاركة الأصلية كتبت بواسطة سعود بن سعد الحافي

الله الله

ابداع و رد جزل

صحة السنتكم

ولاهنوا

صح بدنك / ي سعود
والجزل مرورك ،،

[عبدالله الازوري]

ترا زبـــدة العـــــلــم يالعتــــيبي تكفيك ابكثير
اللـــــي حـــــلال انحـــلله اللي حرام انحرمه
كلن عـــلـــى كف القدر ولا الليالي تستدير
تمسي وتصبح يالعتيبي ماتمض الك اعجمه

[صقر نايف العتيبي]

هذا الصحيح ، اليا بغيت اتكون في خيرة وخير=الي على دربن عدل محدن يجي ويكلمه
لصار لك سيفن هزيلن مايجي حد الشطير=لاتوقفه قدم السيوف الي لنا / ثم تظلمه !!

[عبدالله الازوري]

لنا لقاء بأذن الله
والنهايه عندك...
أنا لي كلمت{ن} معك ثم اعتــبرها رد أخير
الشاعر اللي مايجيب الحق يسكت برطمه
أنـــا شـــاعر وفي جوف الحزام ياخي ذخير
واللـي سلاحك من سلاحه نلزمه بالزردمـه